[معلومات العضو عبدالرحمن بن عويس]

المختارة الثالثة :

مــــــــــــــــــرحوم






سر ياقلم وإكتب على الأرض عنوان
وخل الحبر يقضي بـزود الكتابـه
وإرسل عزا من نجد وأطراف جيزان
لديـار زايـد للأهـل والقـرابـه
مرحـوم ياشيـخٍ عرفنـاه إنسـان
الجـود مـن جـوده كـلٍ درابـه
عسى علـى قبـره ورودٍ وريحـان
تنبت وتلقى رزقهـا مـن سحابـه
كـلٍ بكـا زايـد الإنـس والجـان
وكـلٍ علـى خـده بايـن صوابـه
حتى الشعـر يبكيـه بكـل الأوزان
فرقـا سليـل المجـد سبـة عذابـه
حتى الطرب والفن مع زين الألحـان
نسمع علـى زايـد نيـاح الربابـه
شيخٍ وصل صيته لكـل الأوطـان
كل من سـأل زايـد يلقـى جوابـه
يرويك من كاسه ولو كان عطشـان
يطعمك من قوته ولـو كـان مابـه
كأن الكرم وبـلٍ وزايـد الأمـزان
يروي ديـارٍ قبـل وبلـه خرابـه
محدٍ نخا زايـد ثـم بـات شرهـان
ماعمره بوجه المـلا صـك بابـه
مرحـوم ياشيـخٍ عرفنـاه سلطـان
ماضنـي أحـدٍ بيعوضنـا غيابـه
عسى ولي العرش يرزقـك بستـان
بعالي الجنـه مـع كـل الصحابـه