[معلومات العضو سعدبن فيصل آل ناصر]

.
.
.
.


.
.
.
.

ما عاد لي قلبن يحبـك ويغليـك=هذي الحقيقه كان تبغـا الحقيقـه
ماتت احاسيسه ولا عـاد يطريـك=عزّه عساك اتذوق جرحه وضيقـه
ذبلت وروده ضامياتـن براضيـك=شحّت وهي تسقيك صافي رحيقـه
أتلا العهد خـُبري تركتـه بياديـك=وعاهدتني يسكـن مكانـن يليقـه
وخابت ضنوني ياعسى الله يبليـك=ودليتنـي درب العـذاب وطريقـه
ضاق الفضا من يوم خابت رجاويك=في عين شاعر والمشاعررقيقـه
شبيتها لك من شتاء البرد تدفيـك=رغم الهموم اللي بصدري طليقـه
ويا قّو قلبك ما تحرك وانا ابكيـك=والعين غاصت والمحاجر غريقـه
واوفاك دمعن مـا هقيتـه يوفيّـك=وازّبدّ على جـال المعنّـا وريقـه
وناداك قلبـي ماسمعتـه يناديـك=صوته شرق والملح عثره تعيقـه
واليوم راجع والندم ثوب كاسيـك=يا مّحَمّل المجـروح مـالا يطيقـه
خلك على دربن رجع بك يوديـك=كافي تزود القلب جـرح وتذيقـه
الله حسيبك ما بقى فـي محاكيـك=صبراً على جرحن يعانق شقيقـه
ياللي تنادي ما مضى من لياليـك=ما عاد تغرينـي اليالـي العتيقـه
ياللي تنادي تحسـب انـي بلبيـك=الجرح نايم وانت صوتـك يفيقـه
لا تزعجه مانام له عـام يرجيـك=وتوّه غفـا بيـن الحنايـا دقيقـه
مانام لما قلـت لا جـاء بصحيـك= حتى تسيله مـن يبـاس وتريقـه
ولحفته اضلوعن تثنـت مشابيـك=حتى تصير احلام نومـه عميقـه
خنته مثل ماخنت عهد الوفا فيـك=وصرت استحق من الخيانه وثيقه
ياجرح خنتك والبلا اني مخاويـك=ومعاهدك محـدن يبـور برفيقـه
لكن حداني سبتّـك يـوم يدعيـك=جابه حمرّ سيفك ولمعـت بريقـه
ياجرح ما دورت لك من يداويـك=رغم العذاب اللي بصدري وضيقه
أدّمح خطـاي ولا تفكّـر بخليـك=ياوافين ما خان عشـرتّ صديقـه
وياللي تنادي لا تنـادي ولا ابيـك=الجرح نايم وانت صوتك يفيقـه
لا تزعجه ما نام له عـام يرجيـك=وتّوه غفـا بيـن الحنايـا دقيقـه