[معلومات العضو ابو زيد الغييثي]

المشاركة الأصلية كتبت بواسطة تركي الودعاني

غاروا ال مره بقيادة شيخهم عويضه من ال ضلعان من ال جابر الملقب ((بالادرم)) على ابل الفرجان الدواسر وخذوها واهلها في البلاد وجاهم الصايح ولحقوهم الفرجان بقيادة شبيب بن بازع امير الفرجان في عصره لحقوا البل آخر اليل وقالو خلونا يلين يطلع الصبح قال واحد من العمار من السواحله يالاد حسن يعيال ابوي خلوني ادل فلانه علي بنتها يسمع ناقته تحن مضيعه بنتها قالوا لاطلع الصبح دل افلانه علي بنتها قال هو صاحب المثل المشهور ((يلاد حسن يعيال ابوي بينط غزال الصيف ماجا الصبح))
يوم طلع الصبح فحدثت معركه طاحنه قتل فيها عويضه الادرم شيخهم وانتصروا الدواسر وردوا ابلهم



وقيلت فيها كثير من القصائد لم نحفظ سوا قصيدة المقيبلي الدوسري يقول :

يالله يالي ماقوياً يقاويه = يالي على الأمه رقيبٍ تخايل
عجل علينا بالحيا نتسع فيه = سقوى الى قدني مع الفاو حايل
الى وزانا الأجنبي مانجافيه = يامن ويسلم عندنا من الدغايل
وان زارنا حفاً ذبحنا مقديه = وعاداتنا نذبح شيوخ القبايل
منهم ((عويضه )) والسلف كان يتليه = يذكر سلفهم عقب مامات عايل

القصيده اطول من ذلك




((كل الشكر والتقدير لخوي الرمح علي الروايه ))

بيض الله وجهك ياتركي

تقبل تحياتـــــــــــــــــــــــــــــــــــــــــــي

ابــــــــــــــــــــــــــــــــــــــــــــــــ ــــــــــــــــــــــو
زيــــــــــــــــــــــــــــــــــــــــــــــــ ــــــــــــــــــــــــــــــد
الغييـــــــــــــــــــــــــــــــــــــــــــــ ــــــــــــــــــــــــــــــثي