[معلومات العضو راعي المدا]

ولد الشاعر صالح بن سليمان الفعيم البدراني الدوسري في محافظة الشماسية في عام 1305هـ أشتهر بالكرم والشجاعة وتوفي سنة 1400 هـ
من قصائده

يا ابن اعمر ذا لي زمانين بحساب=ولا يندرى عن خاطري وش هذابه
ربعي جلوا عن ديرتي يم الاجناب = وترى تفرق ربعنا من ذهابه
نبي نروح لمهم تقل بكتاب = واللي قعد من نعده ازلابه
واللي ما يمشي عصر الاثنين كذاب=لا خرزت القربة اولم زهابه
نركب على حيل مواحيل وركاب = من قصر جدي لين نرد اللهابه
نبي انجرب حظنا بالهوا الهاب=أما نجم والا فهو من ذهابه
في غبة يجني بها الحص ياسباب= كم شوعي فل الشراع ومشى به

وله قصيدة في إحدى زوجاته

رقدت ويديني على الترف يباس=يوم انتهيت والى أدعج العين مرفوع
صبيت صوت يسمعه جملة الناس= صوت العديم اللي عن السوق ممنوع

وله قصيدة منها هذه الابيات

اللي زعل حمله على منكبي ريش = واللي رضى ذاك هو ماء عيوني
والعيش ما والله خذينا لكم عيش =والعرس كل عيالكم يعرسوني