عندما فوجئ محمد بن جاسر ال حنيش الودعاني بمرض إبله من النخالة
قـــــــــــــــــــــــــــــــــــــــال :------------------
يوم جيت الذود شفق وضاق بالي = الرجاء بالله ما باليد حيــلـــه
يا عسى الله يشفي الذود الغوالي= والله انها عندنا تسوى قبيله
هي مواريث الرجال أهل الفعالي = نسلها ماروث من جيل لجيلـه
من حلال اللي يـردون التوالـــي = يوم ولد الاش ما يبعد رحيلــه
الابل الابل سلعة فحول الرجالي = والردي ماله عليها من وسيله
يا ســعــيد القرم بنشد الرحالـي = في ديار يرتبك فيها الــدليلـــه
هي منازلنا من أول ثم تالـــــي = في رياض تشفي النفس العليله