ألله ومر بالوصل من بين ألأقـراب
وحنـا بوقـت زايـدآ بالقطيـعـه
وانا من الي شفت بلحيل منصـاب
وضاقت علي الأرض لوهي وسيعه
يابوي أنا من صدتك عارضي شاب
وحطيت في كبدي جروحـآ شنيعـه
مغير أهوجس مثل منهار ألأعصاب
أنا أشهد إن صدتك عنـي وجيعـه
ولأ لقيت إلهـا تفاسيـر واسبـاب
ومعاتبتك محرمـه فـي الشريعـه
شفت المهونه من شبـاب وشيـاب
وانا عن الحقـران نفسـي رفيعـه
لأنيـب سربوتـآ ولانيـب كـذاب
ولا لي مع الأنـذال شريـه وبيعـه
يابوي أفك البـاب وتسكـر البـاب
وخصيتني يابوي فـي ذا الطبيعـه
حتي اصغر ألأخوان كشر لي الناب
ماكـنـي الأ بايقـلـي وديـعــه
ولأحدآ أخذ لي شور في كل الأنساب
يالله دخيلـك مـن حيـاة الهزيعـه
ويوم النزايل يايبه صرتو احـزاب
أحدآ نزل هيظـل واحـد بالبديعـه
ترى المعونه جات من رب الأرباب
لأحدآ يحسبنـي برجـوى صنيعـه
لأكن ابي جمع القرايب والأحبـاب
قـدام كلـن يغلـق المـوت ريعـه
صاروا خواني عند ورعاني أغراب
شي يولـع فـي ضميـري وليعـه
ليا سألوني يغرق الدمـع الأهـداب
يالله عسئ مـن لأمنـي للفجيعـه
يونس علي كبده مثل عضة الـداب
وأرحـم عيالـه لأومـر مايطيعـه
يابوي طيرك له جناحـآ ومخـلأب
يحط فـي ربـن الحبـاري فنيعـه
مهوب حقآ إنـك تحطـه بسـرداب
وتحملـه مـن فـوق مايستطيعـه
حطه علي يمناك وتشوف الأعجاب
وأفخر بطلعاته مـع أهـل الطليعـه
مما أعجبنـي