بسم الله الرحمن الرحيم
اطرح بين أيديكم هذه القصيدة لشاعر \ طالب ال عذبة
وأتمنى تنال أعجابكم
ياخفوقي هات ماعندك مـن الشعرالجزيـل
دام شعرك فـي وليفـك لاتحـاول تذخـره
كلنا فـدوه انـا ويّـاك للطـرف الكحيـل
نخسر الكون الوسيع ومانحـاول نخسـره
ياوليفي يامنـى عينـي ويـاروح العليـل
روح من علّـه فراقـك والمدامـع تجبـره
يبدي عزومه عليك ويخفي اوجاع الغليـل
ويخفي الونّه عليك ودمـع عينـه ينثـره
آتظاهـر بالعـزوم الكايـده والمستحـيـل
صدتي من دون حبٍ ذقـت نبتـه وثمـره
ياوليفي يعلـم الله يـوم نوّيـت الرحيـل
آتظاهر بالصدود وخافـي الصـدر استـره
هاك معلومه واخذها ساعـة الحجّـه دليـل
خلّها في قلبك اللـي نـال فالحـب اكبـره
ان نويت تصد عنّي وشفت ماللقلب حيـل
طالبـك قبـل المـوادع ودّنـي للمقبـره
وش حياتـي دام مالـي لاكثيـر ولاقليـل
من انا من دون شوفك .. واستلمها اشكره
ذقت منك الموت وايضا فوق هم الموت ويل
وذقت منك احلى غرام وذقت فالحب اكثـره
المراد اني حلالك وانـت لـي اول خليـل
لوتسـوي ماتسـوي تستحـق المغـفـره
ان بخلت الروح فيك وكفت الكف الحصيـل
من هو اللي يستحق اعطيه لو عود شجره
من هو اللي مايلاقي غير محبوبـه بديـل
غير انا وانت وغرامٍ فيه صارت شوشـره
ليت وقتي يوم جيته واصبح الكايـد يميـل
ماعطاني عقب وجهه غير صـده وظهـره
دمعي اللي ماهقيته فـوق خدّينـي يسيـل
سال بأمر الله ولا للروح غيـر الغرغـره
الزمن طبعه يخلّـي راعـي العـزه ذليـل
والهوى لامن بغا قلبـي وليفـي ..يقهـره
تحت رجلي جمر نار وفوق كتفيني صقيـل
يا اموت بسيف والا فـوق نـارٍ مُسعَـره
كلها واحد مـدام المـوت آخرتـه يزيـل
اكثرت لأسباب بس الموت يبقـى بخْبـره
ياوليفي لاجزانـا الوقـت بالبعـد الطويـل
اخذ قلبي قبـل ماتنـوي فراقـي واقبـره
تقبلوا تحياتي اخوكم \ أبــــــن زاايـــــــد