جينا من دياراخو نوره لدار الصباح= ضيوف مدري اهل من طيب رعى الحفل
سلام مني عدد مابارق الوسم لاح=وماشيف دهم السحاب ومن سماه انهمل
وماهب ذاري هبوب وبان نور الصباح=سلام احلى مذاقه من مذاق العسل
ياحسين براك يارعى العلوم الوضاح=وضح كما وضح ابن قرنين فرد وجمل
ياحسين براك ياقايدفريق النجاح=اللي طموحه في العليا ولم الشمل
ياحسين ملفى الركايب فاليال الشحاح=لاكمل المزهب اللي فوق جمب الجمل
الطيب قمه وتدهلها طيورالفلاح=لامن تردى الهلامه لايشيل الحمل
وانته صبي العلوم الوافيات الملاح=بالله ثم في سواتك عاقدين الأمل
الله جعل في سواتك قدوتا لنجاح=رجال يطلق عليك بكل معنى رجل
دعوت خطلان الايدي ولبسوك الوشاح=سعيت لجل النجاح ومابغيته حصل
ونيابتا عن قروم ماترد الطياح=اللي في حماهم السرفات ترعى همل
يدعوكم الشيخ ضاري يم نجد الفياح=في واحة الخرج مابين الوعروالسهل
ويقول يامرحباماذعذعن الرياح=ترحيبتا يمبعث منها عبير النفل
واحلى على الكبد من شرب الزلال القراح=وتذهب عن الخاطر المهموم كثر الزعل
وفيحا هل الخرج ترفع كل صوت مباح=وتقول بضيافة الحطمان رحب وسهل
]