الشاعر: سعود بن قحيفان الخضران
فكرت في دنيا على النـاس تفتـر =تقبل وتقفي بالفرح والغبينة
إقبالها بالخيـر واقفايها شــر= وللناس قـدت من سيورٍ متينـة
ابنصح اللـي غره الـوقت واغتـر= نصيحةٍ لأهل القلـوب الذهينـة
من رافق هل الخير بالخير يستـر= ومن رافق هل السوء فمضيعينه
وزلـة رفيقك بعض الأوقـات لاحتـر= لا تناشي الضيقات بينك وبينه
وعمـر الفتـي مهـوب دايم معمـر =لا بد من قبرٍ تهايـل دفينــه
واللي تجر بالمال ذا اللي تخسر= لا بد ما يقسم على وارثينــه
ومن لا نفع حـيٍ فـلا مـات ما سـر= ماينفقد لا مات يا مرتجينــه
ومنافـع الدنيـا ملاييـن واكثـر =مع اختلاف الوقت زينه وشينـه
وصــلاة ربـي عـد ما هـل وامطـر = علـى نبـــيٍ سنته تابعينــه