حــبـــيـــب الــعـــازمـــي =
الوقت يسرق شاعر الميـدان والساعـه تـدور=والشاعر اللي مادرى يرجع يوقـت ساعتـه
والعمله اللي من ذهب وسط الخزينه ماتبـور=لاكن مابـه تاجـرن يقـدر يـذم ابضاعتـه
فــيـــحـــان الـقـعــيــانــي =
حنـا ترانـا ياحبيـب ماجهلنـا فيـالامـور=الله يوفقنـا ورب البيـت نرجـي طاعـتـه
والعمله اللي ماتخارج مع وسيعين الصـدور=لن شالها التاجر على اذنه خربـت سماعتـه
حــبـــيـــب الــعـــازمـــي =
الخط ملكن للمسافـر والاـشـاره للمـرور=والسايق اللي مامعه رخصه يموت ابراعتـه
الله يعين اللي على الدنيـا ومافيهـا صبـور=والخير مـن زاعتـه وشـر مـن دراعتـه
فــيـــحـــان الـقـعــيــانــي =
أنا معي رخصـه وجاهـز ياحبيـب للعبـور=لاتحسبني ورع يبغى الخيـر مـن رضاعتـه
اثرك مثل الملح يوم اتنوشه الشعلـه يثـور=والملح ماهو زين نوب ايثور فـي صناعتـه
حــبـــيـــب الــعـــازمـــي =
اللولـو والمرجان ماتلقـاه فـي كـل البحـور=مار أنت تسبح في علـو البحـر ولاقاعتـه
فيحان من باب التهكم والتغطـرس والغـرور=يضحك بغيره والنهايـه ضاعتـه واضاعتـه
فــيـــحـــان الـقـعــيــانــي =
أنته تبي صطح القمر والارض من تحتك تدور=ولد الخواجه يحسبـن الفكـر فـي قباعتـه
أنا معلـم ياحبيـب ونـت خابـر ومخبـور=والخير لأهل الخير ولا الشـر فـي طماعتـه
حــبـــيـــب الــعـــازمـــي =
ياجاهليـن الاخـره تـرى بدايتهـا القبـور=وبليس مايقـدر يقـدم عـذر عـن تباعتـه
ونته بعد مخبور دايـم يمنـا سيلـك حـدور=والعلم كـان اللـي يولـع تحرقـه ولاعتـه
فــيـــحـــان الـقـعــيــانــي =
الجهل ظلمه موحشه والعلم لهل العلـم نـور=وللي يطيع الناس في بعض المثل ماطاعتـه
أنا مع العتبان طيـب ونـت يابـدر البـدور=تكسف على العالم ليا شافوك فـي مطلاعتـه
حــبـــيـــب الــعـــازمـــي =
انته على راس العمل ولا على بنـد الأجـور=ولا قـرارك مايكلفنـا يـاكـود اطباعـتـه
ياصحيبنا اللي من قديم الوقت دمـك لايفـور=والشـر مايبلابـه الا مـن حـدى فراعتـه
فــيـــحـــان الـقـعــيــانــي =
ياريس المركز على هونك ترى الدنيا تجـور=راع المقبس لو يزهبهـا تطيـح اسراعتـه