[معلومات العضو أبونواف الدوسري]

الوســـــاده....و ما أدراك ما الـوساده....


الوساده هي أقرب الأشياء الى أفكارنا واكثرها معرفه بأسرارنا ..
من منـا ما أشتكي جروحه و همه لوسادته ... أصلا حتى لو مانشتكي هي تسمعنا غصب عنا ..
لو كانت الوساده تـتكلم و تـعبرعن مايـجول في خواطـرنا كان أنقلبت الدنيا كـوارث ومـصايب ..
الوساده أكثر من شاركنا فرحنا و همنا و أجمل اللحظات و أتعسها بحياتنا ...
لا بد أن سـالت على وسادتك في يوم من الأيام دمووع قهر.. ؟

دموع ندم

دموع خوف

دمع فرح

دموع شوق و هيام

دموع حزن و ألم و فراق؟

ليش الوساده فيها سر عجيب وجاذبيه للأفكار غريبه.. ؟

ليش بس نحط روسنا على وساداتنا تبدأ بك مشوار طويل من الأفكار ..؟
تروح عن واقعك شوي أما ذكريات

حلوه

أو مره

أو أحلام نتمنى تحققها ..

مره تفكر في أهم موقف صار لك خلال يومك ..

و مره تفكر في لحظه ندم طولت لسانك فيها على عزيز عليك ...

و مره تفكر في لحظه جرح صابك من حبيب او صديق عزيز ..

و مره تفكر في لحظه غرام تسحبك في قطار الشوق للحبيب ..

و مره تفكر في لحظه ندم أرتكبت فيها معصيه و قلبك مازال ينبض بالخوف من الرحمن ..

و مره تفكر بلحظه قهر وأحساس يتبعه لذه الأنتقام من شخص أو أشخاص ..

و مرات وليست مره واحده تفكر في مستقبلك و مايحمله لك من غموض ومفاجآت ..

و كثيره اللحظات الي بس تحط راسك على الوساده يصيب دماغك غزو
أفكار ..

راح نعيش هالموضوع بالخيال حتى نغاير الروتيـن الي تعودنا علييه


تخيلوا معي لو كانت الوساده تسحب أفكارك

و تبوح بها للشخص الي يحط راسه عليها من بعدك

أو الشخص اللي تفكر فـــيه مـاذا راح تـكون ردة فـعـلك ؟

مدري هل نقول الحمد لله أن الوساده ماتبوح وتفضح ..؟

أو أتمنى انها تفضح وتشرح.. ؟؟