اقتباس:
المشاركة الأصلية كتبت بواسطة عبدالرحمن الشرافي
أخواني الاعزاء ,,,
أضع بين أيدييكم هذه المتواضعه وهي مهداه
للأستاذ" الباحث التاريخي" / مسفر بن محمد الشرافي
فللأستاذ/ مسفر الشرافي
جهود كبيره لا يمكن لاي احد أن ينكرها او يجحدها في حفظ وتدوين تاريخ قبيلة الدواسر
وإصدار الكتب اللتي تهتم بهذا الشأن ...
فأتمنى ان يقبل هذه القصيدة المتواضعه وان تحوز على رضاه..
أقول فيها :
بالشعر نشكر هل الفعل وافين الخصال = الرجال اللي جزيل الشكر تستاهله
الرجال اللي اتعبوا وأبذلوا وقتن ومال = وكل منهم هم كسب الجماله حامله
مقصدي منهم بعيد النظر قرم العيال = مسفر اللي فعله فكل دار مجمله
كل قرمً لا ذكر له ولد منصور قال = "والنعم فأبو محمد بليا مجامله "
ترفع البيضا لمسفر ولا فيها جدال = ويستحق الشكر من شان فعل يفعله
جمّع فعول الدواسر وحط الها مجال = في كتابً فيه كل الفعايل كامله
به فعولن ترفع الراس من بين الرجال = من عصر "دوسر" فعول الكرم متواصله
الشهامه والكرم والظفر وقت القتال = هذا تاريخ الدواسر وعلم جاهله
حن رجالً ننطح القوم برهيف السلال = يوم ولد الاش فعل الظفر متثاقله
لابةً نعرف لا ركب الرشا فوق المحال = الفعايل محكمه والهقاوي صامله
والختام الشكر لك من ولد عمك تقال = في قصيدً من جزيل المناهل ناهله
وسلامتكم
وتقبلوا فائق التحية والتقدير,,, |
بسم الله الرحمن الرحيم
القصيده رائعه فكره ومبدا ومبنا وفحوى وفي شخص يستاهلها
صح لسانك ياعبدالرحمن
شاعر وتعجبني آصالة مفرداتك دائماً
وسمو أفكار قصائدك .
تقبل مروري