[معلومات العضو ابن ذيب الودعاني]

هذه القصيدة مهداه الى الاخ الشاعر ناصر بن دهيم بمناسبه مشاركته في شاعر المليون

والله يوفقه ونشوفه ان شاء الله في المراحل المتقدمة المليون من عقبها

واتمنى تحوز على رضاكم جميعا

سلامي على اللي يبدع القاف يا بن دهيم=جزيل الشعـر لا مـن سمعتـه تغنيبـه
جزيل القصايد موهبه ما تجـي تعليـم=وتجي ورث جد ٍ ناتبك نتب من طيبـه
بناية جديد القـاف والحبْـك والتصميـم=وبكر المعاني اللي هواجسْك ترهي بـه
وفكر ٍ جديد ٍ ما هـو بعـازة الترميـم=عليك النزالـة والهواجـس تهلـي بـه
وترى الشاعر المبدع قصيده كما التبصيم=وهي دون بصمه ,حسْب فكره وترتيبـه
وترى شاعر المليون بالعزم والتصميـم=وتجي من الاوايل, ما بها شك ٍ وريبـه
نبي شعر يدهش كلبـو لجنـة التحكيـم=ونبي شعر,جمهورك يشوش ويهذريبـه
واذا جات للتصويت فارتح وخلـك نيـم=ترى لابتك لامن بغـت شـئ ٍ تجيبـه
وياناصر ارق سنود حتى تعـدى الغيـم=وياشاعـر ٍ كـل الدواسـر تماريـبـه
وعسى فالك المليون يا ناصر بن دهيـم=وعسى البيرق تجيبه وانا اقول تحري به

وسلاااااااااااااااااااااااااااااااااااااااااااامتك م