اقتباس:
المشاركة الأصلية كتبت بواسطة ابو زيد الغييثي
بيض الله وجـه أزمـات الشدايـد والسنيـن = أنجلت مثـل الحلـوم ولا بقـا الاّ الذكريـات
سود الله وجه سجات الرخى وضحك الجبيـن =والشـدوق المضمحلـه والوجيـه الهابيـات
السجايـا الطيـبـة ماتعتمـدهـا كلمتـيـن =تعتمدها الوقفة - وباقـي الحكايـاا أمنيـات
يامروجـة المجالـس ياسمـايـا الخيـريـن =يالجناب السمح ياشحـاح اليديـن التاربـات
والله انّه ماجهلني فـي الوجيـه اباالحصيـن =ولاخدعني في كلامه - رد فعلـي مجامـلات
يازمـانٍ شفـت فيـه الصادقيـن مكذبـيـن =وعكسها الكاذب مصدق - مغويه من المغويات
انتكاسة فهم عرفـي رجّـة العقـل الفطيـن =مغويـاتٍ مردفـاتٍ مفصـحـاتٍ مبهـمـات
ارررررررررررررررررررررررررررررحب تراحيب البدو لسهيل
حي الرجال وحي ماجاب
جيت ادو بيت يكون هو الاقوى ولكن عجزت
كل بيت اقوى من الثاني وهو ليس بمستغرب
من شاعر كبير كالشاعر / عبدالله آل عريمه
صح اللسانك واعتلا شانك ولا فض الله فوك
مبدع بكل ماتحمله الكلمه
أخوكـ / ابو زيد الغييثي
|
يامرحبا يابوزيد وتسلم وشاكرلك كل هذي العبارات الجميلة
ويسعدني فعلا ان اكون قدمت لاخواني وابناء العم مايرضيهم ويطربهم
ويدخل البهجة والانس الى نفوسهم ليقضوا اوقاتهم في منتديات قبيلة الدواسر العظيمة
وهم منشرحين متفائلين قادرين على اتحافنا بابداعاتهم ومواهبهم المتعددة ~ ~
تقبل اطيب التحااياا من اخوك عبدالله بن عريمة