[معلومات العضو شيهانه على كف صقار]

السلام عليكم ورحمة الله وبركاته
طبعا مايخفى عليكم كيف كثروا الشغالات ببيوتنا خلال هالفتره الخيره يعني تلاحظون البيت الواحد اذا اجتمعو العيال والبنات ياكافي كنه مكتب استقدام ست سبع شغالات من كلبيت وحده اللي يقهرني اذا كانون توهم متزوجدين تجيك معها شغاله وش سنعها مادري ؟ لها الدرجه ماتقدر تسوي شي وش ابي فيها ومافي البيت الا انا وزوجي (مستقبلا )تقعد تقابلنا
وان قلتي شي قالو وش نسوي البنت شارطه بيت وشغاله ولا ماعندنا بنات للزواج
بيت وصح اكثر وحده بالدنيا تأيد السكن المستقل انا وابشرطه بعد
لكن شغاله >>ياعيني عالشاب اللي بيجيك يفتح لك بيت وشغاله بعد عساه يلحق المهر ويسدد ديونه وان جابها بيجيبها تسكيته اول ثلاث شهور من الزواج بعدين مع السلامه
لاتحلمين وتقولين لا بيجيني واحد هامور براتب ودنيا
اوكي امين نتمناه لبناتنا واللله من كل قلبي بس منين ياخلاف الحين لاقين وظايف عشان يعيشونا بهالرفاهيه
والله مانبي غير الستر والعيش اليسير لا غنى فاحش ولا فقر وظيقة صدر
حتى لو كان غني ياكبر سعادة الرجال اذا شاف زوجته تقوم باشغاله وامور بيته بنفسها ياكل من يديها ويريح على نظافتها بس للأسف ماعاد فيه بنات يعتمد عليهم في تسليم امور بيت كاااامل مع القيام بامور الزوج ومسؤلياته طبعا الاغلبيه بتقولون لي لاحقين نتعلم ومادري ايش لاحقه متى؟
اذا انخطبتي ذيك الساعه بتتفرغي لنفسك ومظهرك وتجهيزاتك ولا بالهم اللي جايك والمسؤليه الجديده ولا بتعليم الطبخ والغسل وهاالامور
اتضايق لما اشوف بنات بمثل سننا يعني اغلبيتنا ماشالله نعتبر حريم يعني(بعين الزبون)مزوج على قولهم

ماتعرف ولا شي بالبيت واذا قلتي لها ليه ؟تقولك الله يخلي الشغاله واتكال تاام على هالشغاله لدرجة انها تغسل لها ملابسها( الخاصه )والله عيب لهالدرجه يعني!
اعرف لكم وحده بالمرحله الجامعيه تقول والله معتمده عالخدامه تصحيني للدوام عسى بس ماتروشها وتمشط شعرها

انا موضد تواجد الخدامه الخدامات بصراحه شر لابد منه فعلا بعض الحيان نكون عاجزين ومحتاجين من يساعدنا
لكن كونه يكون عندنا خدامه وانا راضيه عن نفسي انسانه الحمدالله اقدر اتحمل مسؤلية بيت ارحم بكثير من تواجدها واتكالي عليها وكسلي بسبب تواجدها يعني لو سافرت الشغاله تلقين البيت كله بحالة استنفار وطوارئ والدعوه فوق تحت والام مسكينه ماهي عارفه تلحق على ايش

حتى الشباب صارو عارفن اشغالهم مايخلصها الا هالشغاله يجيك بشماغه (يالله فلانه سوي هذا مرزام كويس رصي بالكوايه) ويمووون كانها وحده من اخواته ليه؟لانه عارف ان ماحد بسوي هالاشياء غيرها وتعودوا على كذا.

ارجع اقول موكل البنات لكن الاغلبيه ولا فيه بنات ماشالله عليهن تدخلين بيتهم تقولين بلاقي الخدم والحشم دامي واذا سالتي ولا فلانه سوت كذا وهذي ضبطت كذا وسناعه (زيكم ماشالله)

عزيزتي ..ان كنتي حاسه انك من النوع الاتكالي علخدامه عودي نفسك بدايه من سفرها يعني اذا انتهت مدة اقامتها تقريبا تجلسون لكم فترة شهرين ثلاثه هذا اذا كنتوا مقدمين بدري
بهالفتره حاولي تسوين لك جدول مع اخواتك او حتى لوحدك يوم ترتيب وتمسيح يوم غسيل يوم كوي
بتتعبين في البدايه بس بعدين بتحسن الوضع عادي وحاولي الوالده ماتسوي اي شي خصوصا بالاجازه ولا ايام الدوامات عاد شي ثاني
حتى بالطبخ احلى شي الطبخ لاتقولين ماحب اسوي كذا مايضبط او اهلي ينتقدوني
لا ماعليك اكثر ماكثر الله الوصفات بهالمنتديات (خصوصا رجه) وكتب الطبخ
سوي وخلي اهلك ياكلون اذا انتقدوك ماعليك منهم ينتقدونك اهلك ولا ينتقدك ولد الناس
احسن من انك تتعلمين فيه تخيلي عا تتعلمين وتطب خالتك عليكم(امه) انواااااااع الاحراج ولا الاخوات عاد
شي ثاني انواع المجاهر والتدقيق
ومو كل الرجاجيل واحد بيمدحك اول كم شهر قولي السنه الاولى بالكثير بعدين ياويلك
انتي وانتي ماتدرين الا وهو مجمعلك يالكمبيونت ومسوي حفظ وهات يابرنت عليك

انا عني عندنا خدامه بس بعد ايش 7سنوات بهالفتره الحمد الله اكتفييت من كل شي حتى بعد ماجت الشغاله
حسيت ودي نسفرها وتواجدها كريه .

هذي حاجه بسيطه حبيت اوصلها للبنات الغاليات يارب ان شالله تكونون افضل زوجات واحسن الامهات
والله يغنيكم عن هالخدامات بالعافيه ويارب يزوجكم من يسعدكم وتكونون في عيون رجالكم
افضل واروع نساء الدنيا.