قصيــــــــــده للشاعر :مفلح بن غالب
كيف تصحى قلوب أهل الثرى والقبور =وكيف تنبت ثرى أرضٍ مفترشها الجليد
إن جفتني صدور فهي بئس الصدور =وإن حوتني صدور فـ كل صدرٍ حميد
بين ضحك الثغور وبين طعن الظهور =استطعت العبور وصار عظمي حديد
ماشرب ضامي الماء من هماج البحور= ولايتأخر لبيب .. ولايتقدم بليد
ولايحك المعادن غير صلف الأمور =ولايحل المصاعب غير رأي سديد
ولايدوس الخطر ياكود رجلٍ جسور =والحمول الثقيلة مالها الأ العتيد
والرخاء يجمع الخلان من كل طور =والشدائد محك إلهم محكٍ شديد
إن حصلك مكاسب كلبوهم حضور =وأنت صرت العزيز وكل قولك مفيد
وإن حداك الزمان وبان فيه القصور =كل منهم يروغ وصرت برى بعيد
ياطيور الخضار الوقت له وقت ويدور =من يقدم عمل يجزاء بفعله أكيد
والنتيجة ترى ماعاد فيه معذور =التجارب دروس وكلنا بنستفيد
ولايتعثر عزوم .. ولايتندم صبور =ولايتأخر لبيب .. ولايتقدم بليد