[معلومات العضو نايف الخييلي]

هذي قصــه عاطفيه لــ رجال يقاله ابو فهاد وكان راعي حلال وله ولدين ولمّا توفت أمهم

تزوج فتاه صغيره بالسن ومزيونه . وكان يحبها وهي كذلك تحبه محبه زائده . وكان اذا نزلوا

بمحل او فيضه يبني لها بيت بجانب بيت عياله . وفي يومً من الايام كانوا نازلين على عدً مهجور

وكان ماه ملوث . فنزل الابو القليب فأغمى عليه من ريحه الماء فظهروه الرجاجيل وشالوه وهو

مغمى عليه ويوم شافته زوجته الشابه محمول على أكتاف الرجال ظنت انه ميت فأنصدمت

وتوفيت في الحال فقاموا ابناءه بتغسيلها ودفنها

ويوم صحى الزوج من باكر سئل عن زوجته قالوا له عياله : جاء ابوها البارحه

واخذها لإهلها فذهب الى أهلها ويوم وصلهم رحبوا فيه وسئلوه عن بنتهم ! فقال انها عندكم

وعرف لما رجع لعياله بالسالفه وصار دايماً يتردد على قبرها ويشرّف على مشراف قريب

من قبر محبوبته وصار هذا حاله كل الايام ولمّا جاه ولده فهاد يبي يرده للبيت قال هالابيــات:

:

فهاد انا ونيت فـي ذا الطويلـه=وعزي لمن مثلي شكى حر غاليه
ان مت يافهاد لو عقـب طيلـه=وداعتك خلُون بارض دفن فيـه
وانك تَسَمْـوى باجنـازه تشيلـه=تقول وصانـي ولانـي امخليـه
هَدوا عليه القبر واعزتـي لـه=عزالله اني خابـره مـا يدانيـه
حَطوا عليه من الرواسي ثقيلـه=هَدوا تراب القبر من فوق غاليه

فلما تم هالابيات بقليل توفي بوقتها ودفنوه عياله بجانب قبر زوجــته




وسلامتـــكم