[معلومات العضو فهد الغريري]

هلّت بشاير فرحة العيد بالخير=خيرن يعم اهل الوجيه السماحي
اللي لهم في صفحة المجد تنوير=واهج سناها فالمسا والصباحي
دواسر ٍ واسعد من هم له امجير=مانسأله عقب الرخـى كيف راحي
في مامضى يوم العرب كانت تغير=جمع الدواسر في جميع النواحي
قوم ٍ لهم هيبه وسطــوه وتأثير=وبوقتنا الحاظر حمــاة الضــواحي
تلقــى لهم في كل ديره مشاهير=ويفتح لــــهم فــي كل قبّه جناحي
في ظل ابومتعب نــرص الطوابير= وحــــنا بعد للدار ريف وصلاحي
ياربعنا في طيـّـب الذكر تفســير=شي ٍ قريته فــي متون الصحاحي
بمواصلة لرحام من دون تأخير=يضفي على النفس الرضّيه فلاحي
لـــونتحد وقفه وكــــلمه وتفكير=نصنــع لنــا مجــدٍ جديد ونجـاحي

الشاعر العزيز صاحب اعذب القوافي وامتع الاشعار مـــاجــــــد بن رويــــه صح الله السانك وعتلا شانك وزادك الله من زوايد فضله رائعه ياماجـــد جعل عمرك طويل على طاعته وعيد الله عليك مبارك تعجز الكلمات امامك ياماجـــد ابيض وجه في قصيدك وتقبل تقديري واحترامي