ماكتبت الشعر انا لجل المجلة والجرايد = ولا نشرته من اجل اسمي يجي هرج الصحافه
يوم ربي حطني شاعر ذخرته لشدايد = رافعٍ حرفي عن مهايط ونمه عن لقافه
ياقصيدي قم ترا ذا العلم كايد حيل كايد = فكرٍ اسود للعقول ان تّرك مثل السم افه
يكفي غفلة يكفي نسكت يكفي تكبير الوسايد = لازم نصحي اللي نايم ننفض فراشه ولحافه
طاش زودها تبجح جانا باستهزاء زايد = عن هل الدين السنتهم مستمرة بالسخافه
في رمضان وفكرهم مازال فيه ابليس قايد = اول الحلقات لا حشمه ولا ذرة نظافه
فتنه تعرض لاحترام لكل مسلم والعوايد = ولا مردوخ اليهودي منهو يرضى بأتصافه
رمضان انزل به القرآن شهرٍ به فوايد = شهر رحمة خير وعبادة ماهو خبال وخرافه
وازع الدين ان ضعف الأفئدة تصبح بلايد = وكل قلبٍ لا غفل يسنا القيم يسنا عفافه
واللي مايخشى من الله كيف يدري بالنقايد = كل علمٍ للردا عنده يجي اجمل اضافه
ولا من يقبل يجي ( سوزان ) يلبس له قلايد = غير شخص الروح عودها على علم الضعافه
ودام دين الله النصيحة انصح عسى بالنصح فايد = حق للمسلم علي انصح ولو طال اختلافه
ناصر ادرك شف وفكر في الزمن ويش انت صايد = غير جمع ذنوب كره الخلق عايش في كسافه
وانت ياعبدالله ابصر اذكر ان الخلق بايد = وفي القبر مامعك غير اعمالك وهاك اللفافه
طاش كان العلم طوّل لن ولن اقف محايد = ضدكم اقف ولا اخشى يوم يلحقني كلافه
الله يكرم لحاء اللي عقولهم رشد وسدايد = الراكعين الساجدين اللي بكوا لله مخافه
لجل أهل الدين اجند ضدكم كل القصايد = ومن زعل مني ولو هو صاحبي ماهو حسافه
ودامنا في دولةٍ حكم الشريعة فيها سايد = طاش ماظني تؤثر فكركم كلٍ يعافه
آل السعود اللي على اعدا الله أعزاءٍ شدايد = وقلوبهم مع كل مسلم لينه وفيها رأفه