صباح مساء الخير والود والاحترااام
تقبلوها كماهي والمعذررره
ياهيه يالي ماتجيد التقاسيم = مصيرك ايحتم عليك الهزيمه
جاتك بيوت الشعر وضح ومجاهيم = واللي بينقدها ترى امه عقيمه
ماني بلا جاهل ولاني بغشيم = اقص دربي وجرتي مستقيمه
ولا انت وجعانٍ وصايبك ابو عظيم =وانا احسب انك حي هذا الصتيمه
(ياصاحبي) صحبتك جابتلي الظيم = والظيم مايرضابه الا البهيمه
ياقولها اللي فل مواقيف حكيم = ومن حكمتة سمي قوي الشكيمه
معاد لك عندي معزه وتكريم = عدمك ووجودك بليات قيمه
احسبنك من الرجال الصواريم = هذاك قبل تذب عنها الخريمه
واثرك منته كفو يارائي الهيم = واخوك مثلك يعلم الله هليمه
وقسم قسم وانا علي الملازيم = من بعد ذيك اني ماعدك غنيمه
موقفك ذاك اليوم ماهو بسليم = سجلت فوقك ياعلم الله قسيمه
واخوك ماني له تراني بغريم = وان ماتعذر والله اني غريمه
والله لحطمها معه شر تحطيم = لو ارتكب ياشيخ ابشع جريمه
وسلامتكم