اخواني واخواتي اعضاء وزوار منتدى قبيلة الدواسر الرسمي
السلام عليكم ورحمة الله وبركاته :
الشعر ديوان العرب وشامل جميع النوا حي والشاعر الواعي هو من نوع اشعاره تارة غزل وتاره حكمه وتاره نصح وتوجيه وهكذا .ونحن بوقت مختلف يتطلب منا جميعا ان نسهم بما نستطيع في طرح بعض القضايا ومحاوله علاجها او توضيحها للناس لعل وعسى يتعدل وضع تلك القضايا
لااحب الاطاله واترككم مع القصيده.
.
الانفس عزيزه نحمد الله ولاش خلاف =ولاهان نفسه كود لاش على قده
مع الخيل ياشقرا ولو تحذفه في قاف = يقول الوضع عادي ويهويه ويوده
يساير هواء نفسه ورغبته لو هو شاف = بدربه هوان وذل مارده وصده
رضى بالمذله طاح قدره وسار خلاف= رجال الوفاء والطيب والعز والشده
تنازل عن حقوقه وحول عن المشراف =وهمش ولا له دور يبديه ويعده
ومن عز نفسه زاد قدره وفي الميقاف =يوقف بفعل وراي والموقف يسده
واذا وافقت عز ومعزه فلاتنعاف= يرحب بها الرجال والموقف يشده
واذا اللي بها ما لدك لك ماعليها حساف = تروح وعز النفس ما عاش من هده
وهذا كلام لابن هدلان وقت طاف = بعد ماحصل له موقف حسه وضده
بعد ذا لنا وحهة نظر في ثنايا القاف = وهي فكرة في خاطري قد لها مده
وجاء وقتها بقولها من ضمير صاف = وللناس نظرات وكل حسب جهده
مدام الشعر وهبه من الواحد الرواف= مخصص لناس وناس محرومة عده
فحصر الشعر للذات لاغير فيه جحاف= لمن لايجيد القاف وظروفه تحده
ومن كان ذا نهجه فلو يكتبه الآف = هذا يعتريه قصور لو قافه يشده
طراة الشعر لاصار متعدد الاصناف = وساير قضايا العصر وظروف من عنده
يلاقي به اللي لاعه الوقت طب شاف = ويروي ضما العطشان لامن ورد عده
ويسلا به اللي بٌعد خله لقلبه لاف = ويطفي لهيب الشوق للخل في بعده
ديوان العرب شامل على الشاعر العراف = مايجعل دروب تنفع الناس منسده
ترا الشعر ماجانا بحرب وسيوف رهاف = لونه بهذي كان ياقل من يرده
ماكان اختلط حابل بنابل وكل خاف =وهابو ميادينه ولا غثربوا مده
لكن الدرر في القاع والسابح الخواف = تكوده وموج البحر ينسفه ويرده
علينا نفيد بشعرنا نحسن الأوصاف =وترا كل كلمه فوق الاكتاف مرصده
وشعر الغزل سهل ولا يتعب الوصاف = يصور على كيفه ولاهوب من جده
وشعر يوصف لك وضع قايم منشاف= هذا يفرق الشعار كم هجس مرده
ووضع نشوفه تالي الوقت زاد اضعاف= ولااظن يجهل عاقل كامل رشده
شيوخ الدراهم زودوها بذخ وسراف= بعد طاشت الاموال كل ظهر مجده
وهم قبلها عاشوا بضعف وفقر واسلاف= ولااحد دراعنهم وبيت الرجل حده
ويوم الله اعطاهم نسوشكر منزل قاف= طغوافي حتفالات الفخر وغدقوالمده
الى جاالمزاين كل شيخ تعلى ناف= وحط المخيم والنعم كوم مرجده
هذا كفر بالنعمه وقوله بدون رجاف = ومن جامل بكيفه وانا بحت بالسده
اموال تزايد عدها يتعب الصراف= ومن وين جات وكيف لاتكثر النشده؟!
ملايين تصرف دون داعي ولاش اهداف = سوى المدح والشهره وياحسرة الكده!
وللشيخ موكب في المراحات والانكاف = تقل وفد ريس دوله مغادر جده
مجالسه صارت للمدح والثنا مضياف = ماهي للكرم باب الكرم والسخالده
ضيوفه هوامير وشعاعير مدح حاف = لكن الضعوف من الكرم مالهم بده
ولو جاه محتاج دموعه غدن ذراف = يعود دموعه زايدات على خده
ماكفكف دموعه مارحم حالته ماراف = ماعانه على جور الزمان وبرد كبده
ولو شاف له راعي مكانه يجيه خفاف= يفز ويرحب به وجيته له سعده
يكنسل هذاك ويصغي الذاه باستعطاف= وينشده وش قاصرك ماتطلبه بده
ياعقال بالله عدوا الحق دون احلاف = هذا وش يسمى تعرفونه و وش قصده
ترا المشيخه ماكل تاجر لها حواف =ولو كان ماله يتعب اللي يبي عده
ولاجات بقصور وجيوب وبشوت نظاف =تجي للرجل ورث من ابوه عن جده
يوم الجو دخان وخوف وقنا واحلاف = خذوها بفعل ايمانهم وصبحت عهده
وذا الوقت يمشي الذيب ماهابته لاخراف =عسى الله يديم الامن والحاقد بحقده
ياشيوخ الدراهم مشيختكم على مهياف = من ادناة هزه يصبح الشيخ في شده
بيوت تبنى دون ساس وبدون اشراف = تراها بيوت ماتذري ومنهده
على الهون كم شيخ بباريس له مصياف= سنه وسنتين وبعدها الشيخ بالنجده!!!
على وين يم الحجز ودوه والاسعاف =ورى الشيخ يمشي لايجي للفعل رده
ولا اشمل جميع الناس وقول قولي كاف =لاوالله لاوالله فيهم الكفو ونوده
وبذكر مثال يحتذى به ورجل واف =ولالي هدف والنفس مهيب محتده
لكن حق للفصام من شاعر عساف= مايخضع سوى لمنزل الطورو السجده
وعبدالله الفصام عز وذرا والحاف = لربعه ومن ينكر جمايله به عقده
جبل راسي ثابت محب لربعه ضاف =جميع الدواسر في تجارته منعده
سفير الدواسر في العطا مايمد اضعاف = ولا مد شيكه ما يجيره له وحده
وكم من رقاب تنتظر ضربه السياف =تدخل بمال وجاه وقصاصها رده
هذا اللي يسمى شيخ قول وفعل ونصاف= جمل يرتكي للحمل لوهوجبل هده
مانسي الحقوق وواجباته ولا اصبح جاف= وتشهد له افعاله وماقدمت يده
وترا المال لامن مات راعيه عادخلاف=مايذهب مع الميت ليا حط في لحده
وختم الجواب بذكر من نزل الاحقاف= وصلي على الهادي عدد من قرا ورده