بسم الله الرحمن الرحيم
الاخوه الكرام
السلام عليكم و رحمة الله و بركاته
يسرني مشاركتكم بهذه الابيات
و إن شاء الله تحوز على رضاكم و إعجابكم
أقووووول فيها :
فكري سوات الصقر لا من صلح هده = اهده وكل علمٍ غانم يجيبه
فكرٍ يجيب الهزيله لعنبو جده = يا ناس يا ناس مثله ويش نبغيبه
ماني من اللي لبس ثوبٍ ما هو قده = انا من اللي زحول القوم تدريبه
شاعر مميز و احبك الشعر و اعده = و قول الهزيله ما نيب اللي يهذريبه
اخاف بسبابها هجمات مرتده = و أبعد عن الشك يا الاجواد و الريبه
بابٍ يجيب النقاده يا ولد سده = وش لك ببابٍ يكثر لك عذاريبه
لد النظر فالعلوم الطيبه لده = الرجل لا مات محدٍ ناسيٍ طيبه
الكف يعرف يا قوم الجود من مده = راع الكرم كل خلق الله تماريبه
و لا الردي يا النشاما ما حدٍ عده = حسبي على اللي دروب الشين يمشيبه
و سلامتكم
أخوكم الشاعر : مسفر بن منيف المصارير .
تقبلوا تحياتي