الشوك عمره ما أثمر أزهور وورود= وشلون تثمر شجرتك شجرة الشوك
ياللاش مانتب لردى اليوم محدود= عزيل من يرجي الفرج يوم ربوك
كسبت ذم الناس بأفعالك السود= لامر ذكرك كلبو الخلق سبوك
الموت خير لك عسى الحافك الحود= يابن عجوز بأسمها اليوم سموك
بين البنات وفيدتك شينت الفود= لاجيت بأمرمايبونه يردوك
مافيك مالثنتين يالقاصي انشود=عسى خواتك بأقرب الوقت ينعوك
فيدك مع اهل الجود مقلب ومنقود= لاجيت من طرقة هل العرف ذموك
ربعك على ماتفعله ضدك اشهود= يالثعلب المكار بأسمه ينادوك
سكبتك سكبه خوش رجل ومعدود= مظهرك يخدع من جهل بك وشافوك
لو غر غيري مظهرن كنه الطود= العلم عندي يالرخم مابها اشكوك
يالبومه الهابي خباياك في زود= والاعلام الناس ياللاش يشنوك
ابوك مايظلم به الطيب موجود=ماجيت يالبومه لجدك ولا ابوك
الطيب في الاجواد ماهوب مجحود=بس انت مدري وين يالثور جابوك
العد لو أنه قراح ومأرود= يجيك تالي ماه دبج ومتروك
باب يجي منه الردى خله موصود= خل الدروب مغلقه لا يعادوك