[معلومات العضو سالم بن صمهود]

Xنيسان

حلفت انا مشري النيسان = = يا كود مقدر على غيره
دايم وهو والظروف اعوان = = حلف(ن)على قلّة الخيرة
راعيه يصبر على الحقران = = من كثر ما راح تأشيرة
نصف الشهر سايقه طفران= = يم المهندس مشـاويره
كبليتره دايم(ن)خربان = = ومتسكرات(ن)مواصــيره
كن فيه ربو(ن)مثل الانسان = يصيب راعيه بالحيره
يا مشتري وارده خسران = = منتب مع الربح في جيره
عليك بمصدرات عمان = = ياخوش صنعه وتصديره
من شافهن يذكر الرحمن = = فوق التهاليل تكـــــبيره
صناعة(ن)حافها فــــــان = = صرف لها كــل تفكيره
جسمه مقاس اوسط الورعان= = وعيونه ضواق وصغيره
لكن مخه هـــــو الميزان = = مخته تسوى جـــبل لــيره
جهده تميز على الاقران = = ابداع باعلى مـــعاييره
اهتم في سمعة اليابان = = وزادو احسابه وتقديره
عز الله ان الجيوب اخوان = = وتقاسم(ن)طيب السيره
الطيب من بينهن عنوان = = سيرتهن ابداع ومثيره
عذروبهن غاليات اثمان == اسعارهن جمر وسعيره
فكسارهن مركب الشيخان == فالبر والا في الديره
والشاص هو موتر البدوان = = وراع الولع لانقل طيره
من كان له فالصحاري شان = = للشاص ترخص دنانيره
اطلق خوي(ن)مع الخلــيان = = ومحزم نديمه دبل قيره
صوت المكينه هوس وجنان = = لفتر فالمروحه ســــيره
راعيه مع فرجة السرحــان == ماهوب يزمل مثل غيره
نيسان يالجيب مهما كان == لو طوروا فيه تعبيره
ان كان برطم راعي النيسان = = مره وسمعه تصفيره

سالم بن صمهود