[معلومات العضو سعد الحطيم]

يا صاحبي كان تبغى الطيـب وأمجـاده *** عندك تواريخ ربعـي ترثـة أجـدادي
تلقـى نجـوم المـعـزّه دوم وقّــاده *** (دواسر ٍ) طيبهم في النّـاس يـزدادي
في الابل خذينا السنام وفوقـه *** اشـدادهوفي القاع روّح من العارض الى الوادي
ان كان للطيب ساده ..ربعـي اسيـاده *** صبيّنـا لاطلـع مـاهـوب ينـقـادي
ربانـي اللـي غلاهـم داخـل فـؤاده *** من كثر ماهو عشقهم صـاروا فـؤادي
سلّـم عليهـم عـدد برقّـه ورعّـاده *** سلام ٍ اطيـب مـن الهتّـان والكّـادي
بلّغ سلامـي لهـم والكـل فـي بـلاده *** من شاعر ٍ لاكتـب ماهـوب قصّـادي
من دون ربعي قصيـدي مالـه ازيـاده *** لو اجمع ابداع شعري دونهم ..عـادي
فأنّا هـل العـز والشيخـه لنـا عـاده *** آلاد زايـد هـل الطـالات مـن بـادي
دخليـنـا لازبــن يكـبّـر وســاده *** حنا زبـون الجـلاوي درع واسنـادي
على الجزيرة لنـا اسـم ثبّـت اوتـاده *** أفعال ربعي عمى مـن كـان حسّـادي
من سد مآرب تركنا الملـك ياسـاده *** !!ملوك فـي كـل أرض وجوّنـا هـادي
كل ٍ على دارنـا ايـده علـى ازنـاده *** من فضل ربي رخا والناس في اطرادي
من قبـل مبعـوث رب الكـون لعبـاده *** تاريـخ ثابـت قبـل تاريـخ بغـدادي
في الناس حسّاده وفـي النّـاس نقـاده *** انا دخيل الولي مـن ظلـم الأجـوادي
غيـري يصـدّر ولا يـدري بميـراده *** من قبل اصدّر اعرف شلـون ميـرادي
لاشفت وضحا ً عليها (هـلال وقـلاده) *** وسم الغياثـات لامـن جـاك نشّـادي
ياعزوتي ياجـروح المـوت واضمـاده *** ما خبر منّـا ذليـل ولا خبـر غـادي
ردوا سلامي على (ابن قويد) وأحفـاده *** اني لهـم شاعـر ٍ فـي كـل ميعـادي
قصيدة ٍ في (الدواسـر) جـات منقـاده *** كتبتها فـي الكويـت ورّحـب الـوادي


ناصر بن دهيم

بيض الله وجهك على القصيدة الجزله

وعلى فكره مو غريبه عليك ولا على الي مثلك وشرواك

أحترامي للجميع

[/CENTER]