[معلومات العضو راشد المسعري]

المشاركة الأصلية كتبت بواسطة المسعري

والله الساعه المباركه اللي جيت فيها يابو محسن على كرسي التفتيش
استلم والله ودي اعطيك 60سؤال بس الشباب سبقونا
س1:اقوى بيت مر عليك في المدح+الوصف+الغزل
س2:قصيده سمعتها وتمنيت انك قائلها
س3:لماذا انت مبتعد عن قسم المحاوره في المنتدى مع العلم بانك شاعر وتجيد فن المحاوره؟

الله يبارك فيك يابو خالد ( هذا خيرك !!!) تبي تكثر على ولد عمك الأسئلة ( ترى الأيام دوارة ) بكرة نشوفك حول الكرسي :-

س1:اقوى بيت مر عليك في المدح+الوصف+الغزل
الأبيات كثيرة واللي باجيبه مهوب شرط يكون الافضل:

المدح: بيت لسعد بن جدلان يمدح الشيخ/ فيصل بن بندر الدويش المطيري ويقول:
فيصل ولد بندر ولد قايد مطير = ابن الدويش اللي كلا اسمه الأسامي

الوصف: لابن جدلان أيضاً يصف الجمس ويقول:
لامشى مع الأرض العتش كن تهملاعه = بنت قوم طامح من ولد راعي

الغزل:
تخوفني مشاوير الطريق المظلم المهجور = ولامني ذكرته قلت طولي يامشاويري

س2:قصيده سمعتها وتمنيت انك قائلها؟
قصيدة حسان بن ثابت في فتح مكة ( عدمنا خيلنا إن لم تروها = تثير النقع موعدها كداء )

س3:لماذا انت مبتعد عن قسم المحاوره في المنتدى مع العلم بانك شاعر وتجيد فن المحاوره؟
منشغل بكثرة وأتابع الشعراء واستمتع بمحاوراتهم كل مالاحت لي فرصة.. ومثل ماقلت أنت في سؤالك ( كنت)!! أما الآن افضل المتابعة.

شاكر لك مرورك الجميل يابو خالد ولك مني أجمل الود والتقدير ،،،