بسم الله الرحمن الرحيم
الأخوه الكرام
السلام عليكم ورحمة الله وبركاته
يسرني مشاركتكم بهذه الابيات البسيطه
و إن شاء الله تحوز على رضاكم
أقووووووووول فيها :
غريبه انتي يا دنيا الغرايب = عجيبه انتي يا دنيا العجايب
يا كم جمعتي ما بين الاحبه = و يا كم فرقتي ما بين القرايب
زمان اول تبدل يا النشاما = و شباب الأمس صار اليوم شايب
يا كم قالوا ترى الدنيا دنيه = و ذا قولٍ صحيح اقول صايب
تفرح ناس و تجرح بعضهم = و بقعا جرحها ماله طبايب
يا كم جرحٍ ترى هي جرحتني = انا في دنيتي شفت العجايب
تراها فرقت بيني و بينه = حبيبٍ صار عني اليوم غايب
عسى ربي يرده !!! في غيابه = جروحي كلها جروحٍ عطايب
غيابه كم وكم سبب و سبب = و في جوفي ترى اشعل لهايب
يا ربي تجمع الغالي بغالي = و تجمعني مع سيد الحبايب
غريبه انتي يا دنيا غريبه = جروك كلها جروحٍ عطايب
تمر ايامها بسرعه و تجري = ولا مر اليوم سجل فا الكتايب
يسجل كل ما سويت فوراً = سواءً شر و لا خير جايب
و ما يكتب لنا المولى بيأتي = ترى ما قدر المعبود صايب
يا ربي تغفر ذنوبي يا ربي = يا رب الناس يا جزل الوهايب
عجيبه هذي الدنيا عجيبه = مصايب في مصايب في مصايب
و سلامة الجميع
أخوكم الشاعر : مسفر المصارير
تقبلوا تحيات أبو نايف