::: مـنتدى قبيلـة الـدواسـر الـرسمي ::: - عرض مشاركة واحدة - خبيب الريم00
الموضوع: خبيب الريم00
عرض مشاركة واحدة
قديم 24-06-2007, 04:58 AM   #1
 
إحصائية العضو







محمد فراج الدوسري غير متصل

محمد فراج الدوسري is on a distinguished road


افتراضي خبيب الريم00

خبيب الريم في قفر المسيّر=عذابه واعذابه واعذابه
اليا من أقبلت شبه المهيّر= إيابه مدهش-ومدهش ذهابه
تخطرتهن بالطول القصيّر= عنود الصيد في عين الذيابه
كأن الصيد من حوله مذيّر=فريده ماحواليها تشابه
كأن القاع من تحته مطيّر=كأني ماأشوف إلا سرابه
كأن الشط في وركه حويّر=كأن العنق منتوق البابه
كأن الشمس في نحره النيّر=يارمانه يا خصره ياشبابه
كأن عيونها حرٍ تحيّر=بحلّْ بول هداده وانتحابه
شقا دنياه من توهّ صعيّر=خذاها التيه ياليل الشقابه
ياليت إن الهوى الشرقي تغيّر=لغنّيها على لحن الربابه
قصيدتها بعد عمري تجيّر=بلا طرس وحبر وبلا كتابه
وقافيتي فرح غروٍ غريّر=ملبسها فساتين الصبابه
فخامتها تطب وهي تخيّر=فرنسي عطرها - فاخر ثيابه
وربي لافطم القلب وأخيّر= مكانه عيني ولا حدٍ درابه
وطيّرها فراشه لو تطيّر= تعوّد لي ليا راحت نهابه
عليك الله ما والله أسيّر=بعدما هي تحنّت من خضابه
فمان الجرح يا قاع المسيّر=خشيف الريم ويلي وآ غدابه

 

 

 

 

 

 

التوقيع

الى الديوان-أبيات
http://www.abyat.com/poet.php?id=1308


بقدر ما تكن مع الله يكن الله معك

    

رد مع اقتباس