اخواني من الواجب علينا تدوين ماقاله شعرائنا في مدح من هو اهل للمدح وهذي مجموعه قصايد لشعار منتدى قبيله الدواسر الرسمي في المسااابقه لم يحالفها الحظ في السحب بالفوز
الشاعر عبدالله ابن راجس الخضاري(تأبط خيرا)
1
- عز الرياض وعز وادي حنيفـة=عز الامارة والأمـور العظايـم
2 عدل الحكم سلمان بالعز ريفـه=خمسين عام (ن) كل ابوها غنايم
3 تبصر بعدله عين حيّ (ن) كفيفة=المجد له والطيب والعـزّ دايـم
4 سلمان نجد ونجد باسمه منيفـة=وسلمان مثل طويق وطويق قايم
5 نجد العذيّة فـي جنابـه مريفـة=تنعم بظلّه عن هبـوب السّمايـم
6 بحر(ن) تسوق النّود مدّه لسيفه=وموجه يغطّي نايفـات العدايـم
7 في سطوته حدّ السّيوف الرّهيفة=وفي هيبته هيبة ملوك وحكايـم
8 شيوخ نجد(ن) كلّهم في مضيفه=وفي مجلسه تلقى كبار العمايـم
9 نفسه لدمعات اليتامى صخيفـة=وستر العذارى مضفيات اللثايـم
10 ابن الذي رجّع حقوقـه بسيفـه=قدّ الرّجال يجيك حجـم العزايـم
11 خذا الرّياض وما رضاها نصيفة=نادى المنادي لـه بليّـا قسايـم
12 ثم التفت واليا الجزيرة مخيفـة=والشرك عِلّق له بمكـة تمايـم
13 وحّد علمها واحتواهـا رفيفـه=لين استوت عدل(ن) بليّا ظلايم
14 سلمان حرّ(ن) ما لقينا وصيفـه=عليه من صقر الجزيرة علايـم
15 خمسين عام ونجد باسمه منيفه=لين اعتلت فوق النّجوم النّعايـم
الثانيه لي (تريحيب ابن حمير ابن مسرع (المسعري)
1
-عز الرياض وعـز وادي حنيفـة=وعـز الأمـارة والأمـور العظايـم
2-عدل الحكم سلمان بالعـز ريفـة=خمسيـن عـام كلبـوهـا غنـايـم
3-تبصر بعدل عيـن حـي كفيفـة=المجـد لـه والطيـب والعـز دايـم
4-كريم سبلا في السنيـن العجيفـة=مولود معـه الجـود مثـل التوايـم
5-للحق يقطع مثـل حـد الرهيفـة=ياما ويامـا فـك صعـب الخصايـم
6-يمضي ولا يحسب حساب الكليفة=عـزام مقـدام يـبـوج الخـرايـم
7-شيخ الرياض وشيخ نجد ووليفه=هو سورهن هو نورهن في الظلايـم
8-سلمان سلمان السعد من وصيفـة=تفخر به الشيخـة وعـذب النسايـم
9-ابن الزعيم اللي حكمهـا بسيفـه=ووحـد بـلاد كانـت أول قسـايـم
10-حرا تعلا روؤس شـم منيفـه=نفسه علـى العليـا تهـوم العزايـم
11-له وقفتاً بين القبايـل شريفـه=محـدن وقفهـا فالعصـور القدايـم
12-مخليـا نجـد العنيـده عفيفـه=مـن بعـد ماكانـت مـلاذ الجرايـم
13-ملجاء ومامن فالليـال المخيفـه=لاجاء نهـار فيـه ترمـى العمايـم
14--فاليوم يومك يالبيوت النظيفـة=ا لسوق مايقبـل ضعـاف وهلايـم
15-في مدح راع الجود مدري حليفه=نفخـر ونرفـع روسنـا للغمـايـم
الثالثه للشاعر مشعي ابن بريكان
عز الرياض وعز وادي حنيفه=وعز الاماره والامور العظايـم
عدل الحكم سلمان بالعز ريفه=خمسين عام ٍ كل ابوها غنايـم
تبصر بعدله عين حي ٍ كفيفـه=المجد له والطيب والعز دايـم
نجد العذية تحـت ظلـه مريفـة=رقابها للمجـد راعـي العزايـم
رقابهـا فـوق الجبـال المنيفـة=طير السعد في جوهـا دوم حايـم
يحبهـا حـب الوليـف الوليفـه=ونجدٍ واهلها تعشقه عشق هايـم
خمسين عام ونجد تمشي بكيفـه=تمشي بكيف اللي سيوفه صرايـم
عدل الحكم راعي اليدين النظيفـة=ميزان عدله دايـم الـدوم قايـم
اختـاره الحاكـم علينـا خليفـة=خمسين عام الحكم فيهـا سلايـم
يعطف على راعي اليدين الكسيفه=ويرعى الأرامل والعيـال اليتايـم
ويضرب بحزم اهل العقول المحيفة=والـدار طهرهـا بليـا جـرايـم
من خالف المنهج يجـزه بسيفـه=حكم الشريعة مارضـى بالثلايـم
الله يديم اللـي عروقـه شريفـه=شهم الرجال اللي سلالـة شهايـم
آل السعود أهل النفوس العفيفـة=هم درعنا لاجـا نهـار اللزايـم
وتبقى الرياض بفضل ربي مريفة=في ظل سلمان الكـرم والكرايـم