[معلومات العضو المسعري]

يامرحبا من كل قلبي يابو راجس لاهنت على هذه المشاركه الجزله والقصايد اللي قيلت ولم تفز كثيره والدليل انه دخل السحب 1200قصيده وقد كانت لي قصيده في هذا الموضوع اقول فيها

1

-عز الرياض وعز وادي حنيفة=وعز الأمارة والأمور العظايم
2-عدل الحكم سلمان بالعز ريفة =خمسين عام كلبوها غنايم
3-تبصر بعدل عين حي كفيفة = المجد له والطيب والعز دايم
4-كريم سبلا في السنين العجيفة=مولود معه الجود مثل التوايم
5-للحق يقطع مثل حد الرهيفة =ياما وياما فك صعب الخصايم
6-يمضي ولا يحسب حساب الكليفة=عزام مقدام يبوج الخرايم
7-شيخ الرياض وشيخ نجد ووليفه=هو سورهن هو نورهن في الظلايم
8-سلمان سلمان السعد من وصيفة=تفخر به الشيخة وعذب النسايم
9-ابن الزعيم اللي حكمها بسيفه = ووحد بلاد كانت أول قسايم
10-حرا تعلا روؤس شم منيفه=نفسه على العليا تهوم العزايم
11-له وقفتاً بين القبايل شريفه=محدن وقفها فالعصور القدايم
12-مخليا نجد العنيده عفيفه=من بعد ماكانت ملاذ الجرايم
13-ملجاء ومامن فالليال المخيفه=لاجاء نهار فيه ترمى العمايم
14--فاليوم يومك يالبيوت النظيفة = ا لسوق مايقبل ضعاف وهلايم
15-في مدح راع الجود مدري حليفه = نفخر ونرفع روسنا للغمايم

ولكم الودواتمنى من الشعار اللي شاركوا فالمسااابقه ان يسجلو قصايدهم حتى توضع في موضوع مستقل ويتم تثبيتها