بسم الله الرحمن الرحيم
بعد طول انقطاع يأتيكم تأبط خيرا مطأطئ الرأس معتذرا عن كل ساعة غياب
انشغلت كثيرا ولم ينشغل قلبي عنكم
مرت شهور وأيام فقدنا فيها الكثير من أحبابنا وخاصة علم هذا المنتدى
فقيدنا جميعا
دغش البطي
رحمه الله رحمة واسعة وأسكنه فسيح جناته
وغفر له ولجميع المسلمين والمسلمات
وأسعدني جدا تسمية منتدى الشعر باسمه
وأسعدني تواصل التألق والعطاء من مشرفي وأعضاء هذا المنتدى الشامخ
أعتذر عن ساعة تأخير ولعل الأيام القادمة تكفر عن تقصيري بإذن الله
.............................................
هذه مشاركتي في مسابقة السامر في مرور خمسين عام على إمارة الرياض وهي ترفل في كنف سمو الأمير الملكي / سلمان بن عبدالعزيز حفظه الله تعالى
لم تفز القصيدة ضمن القصائد الفائزة ولكنها فازت بمجرد ذكر سموه فيها
وتفوز مع كل نظرة من القراء الأعزاء أمثالكم
.................
عز الرياض وعز وادي حنيفة = عز الامارة والأمور العظايم
عدل الحكم سلمان بالعز ريفه = خمسين عام (ن) كل ابوها غنايم
تبصر بعدله عين حيّ (ن) كفيفة = المجد له والطيب والعزّ دايم
سلمان نجد ونجد باسمه منيفة = وسلمان مثل طويق وطويق قايم
نجد العذيّة في جنابه مريفة = تنعم بظلّه عن هبوب السّمايم
بحر(ن) تسوق النّود مدّه لسيفه = وموجه يغطّي نايفات العدايم
في سطوته حدّ السّيوف الرّهيفة = وفي هيبته هيبة ملوك وحكايم
شيوخ نجد(ن) كلّهم في مضيفه = وفي مجلسه تلقى كبار العمايم
نفسه لدمعات اليتامى صخيفة = وستر العذارى مضفيات اللثايم
ابن الذي رجّع حقوقه بسيفه = قدّ الرّجال يجيك حجم العزايم
خذا الرّياض وما رضاها نصيفة = نادى المنادي له بليّا قسايم
ثم التفت واليا الجزيرة مخيفة = والشرك عِلّق له بمكة تمايم
وحّد علمها واحتواها رفيفه = لين استوت عدل(ن) بليّا ظلايم
سلمان حرّ(ن) ما لقينا وصيفه = عليه من صقر الجزيرة علايم
خمسين عام ونجد باسمه منيفه = لين اعتلت فوق النّجوم النّعايم
عبدالله بن راجس الخضاري الدوسري
..