[معلومات العضو سعد هذال آل جيعان]

بسم الله الرحمن الرحيم

السلام عليكم ورحمة الله وبركاته

اعزائي هذي القصة منقولة عن الراوية \ عبدالله بن نعيس ال جيعان الغييثي الدوسري

هذي القصة كان في مامضى في قديم كان هنالك شاب من احد القبائل كان يحب فتاة كانت هذة بنت قصير لهم فكان متعلق فيها بشكل خيالي من زود حبه لها كان مجنن ابوها كلما مر ابوها لقاه في وجه وحذره عدة مرات لكنه منعمي ماعاد يفهم فقام العود ارتحل وشد يوم جا من اليوم الثاني قام العشيق هذا يدور عشيقتة مالقها ثم قال بس كله من تحت راس ذا العود الخبيث ثم امتثل بها الابيات :

ول عود كان ماترحم القلب الحزين = جعل ذودك في نحى القوم وانت تشوفها
ونتي ونت خلوج تهجرع بالحنين = دوجت في مراحها عقب فرقاء ولوفها
ياوليفي لا نويتوا على انك راحلين = فنتزو بضعونكم لا تبين اشوفها
عيدوبي في الخلاء والفريق معيدين = كل عذراء نقشت بالخضاب كفوفها
كن في قلبي سناء ضو عرب نازلين = شطروها بالسعه والهبوب تلوفها
ما يقرب دراهم كود صنع الذاهيبين = كود حمراء عزمها من صفاق يلوفها
كن حن الرين يشبه لخلفات قطين = لا نووله بالقدم مع طمان جروفها

معاني الكلمات : فنتزوا بضعونكم : أي انهجوا وراحلو لا اشوفكم لا قمت

الرين : القطار

وقيل ان الشاعر هو \ محسن الهزاني من امراء الحريق