اقتباس:
المشاركة الأصلية كتبت بواسطة حزين الحرف
اخواني الأعضاء
السلام عليكم ورحمة الله وبركاته ويسعدني أن انشر هذه القصيدة
المتواضعة وهي آخر ما كتبت في منتداكم وأتمنى أن تحوز على رضاكم وإعجابكم
لكم القصيدة ولي الشرف
هددتني بالفراق وهددتني بالصدود = قلت لاتنوين حاجة وأنتي ما أنتي قدها
كنت أمزح في كلامي ولا تعديت الحدود = بس هي كانت تدور ما يبرر صدها
ناظرتني بابتسامه ثم سارت في برود = أثرها بنت اللذينا ناوية من جدها
كنت أقول بتبتعد ايام وتحن وتعود = الأكيد إن الوله والشوق يمي شدها
وذي ثلاث شهور مرت أو بعد يمكن تزود = وكل دقيقة وكل ساعة في الغياب أعدها
ليه راحت ؟ وين راحت ؟ أسئلة تبغى ردود = كنت حاير في الإجابة لين جاني ردها
أرسلت مرسول عنوانه "إلى الخل الجحود "= وصرتنا مشكك ولكن كاتبته بيدها
وقالت أتركني فحالي وأنسى إني في الوجود = وأنهمر فوق الرسالة دمع بيح سدها
ليتني معها وأمسّح دمع سايل بالخدود = لأني متعود أمسّح كل دمع بخدها
لكن أكثر شي خلاني أفكر وبشرود = ويش مجبرها على الصده وش اللي حدها؟
وأكتشفت إن السبب في اللي حصل بنتٍ حقود = حاولت فيني ولكن كل يوم آصدها
وبعد ماملت خذت مع نفسها حلف وعهود = إنها تفتن مابين أثنين يالعن جدها
ويش محرق رزها ياجعلها وسط اللحود = ويش دخلها مدام تودني وأودها
هي وبس اللي عجز قدامها قلبي الصمود = هي وبس اللي خذتني بجزرها وبمدها
كم سهرت من الليالي وكل خلق الله رقود = كم تظاهرت بفرح وأنا موصل حدها
كم نزفت من الجروح وكم بذلت من الجهود = لجلها والنفس لرضاها علي آكدها
رغم شرهاتي عليها يوم تسمع للحسود = إلا إني مستحيل آكون يوم بضدها
لأني واثق من غلاها وحبهالي والشهود = نبض قلب ودمع عين وسهر ليلٍ هدها
ولو تمر سنين بأنطرها عسى وقتي يجود = دام مابه سخص غيري قد روى من عدها
وإن لفتني بعد غيبة وذكرت طاري الصدود = قلت طلبه غيري الموضوع ماني قدها
وسلامتكم
عبد الرحمن سعد الدوسري
حزين الحرف |
حزين الحرف
ارحب يابو سعد تراحيب المطر ، وصح الله لسانك ياشاعرنا
تغيب فترة عن المنتدى وتجينا يالذيب بالقصائد الجزلة
التي يبدع فيها حزين الحرف كعادته
سلمت ولك الود والتقدير ،،،