أيها الاخوة القديرين في منتدانا قبيلتنا الرائع
يسرني أن أنقل لكم هذه المحاورة الرباعية الرااااااااااااائعة والتي أحد أطرافها ابن عمكم الشاعر/ راشد بن سحيم ، والذي مثل قبيلته خير تمثيل في مواجهة شعراء لهم بصمتهم (اثنين عتبان) وأخر (عجمي) وابن عمنا (راشد بن سحيم)................ وأتمنى تحوز على رضاكم
نااصر العجمي:
الليله الليله تبيـن الموازيـن=وانا وابو فايز سعوط المجانين
ياويلكم يا إثنين من ليل الاثنين=يا ليل هيا واسر يا ليـل هيـا
ألا يا يالعتيبي قربتك المقادير=وليلتك هذي عن ثلاثين ليله
عبد الله العصيمي:
الليله الليله نبي نخصم الغيـر=وانا حزامي فاللقاء سالم ا لزير
مدام ابو سعدٍ بداها على خيـر=ياليل هيا وانـت ياليـل هيـا
تقدم ياراشد والليالي مسافير=وكلن يقدم مدته من حصيله
عبد العزيز العتيبي:
لليله الليله علـومٍ هوايـل=نبا نوريكم نجوم القوايـل
انا وراشد من رجال الفعايل=ياليل هيا واسر ياليل هيـا
أنا صيدتي ناصر ترى يا مشاهير=وجاني وأنا اللي كنت ناوٍ أجيله
رااااشد ابن سحيم:
الليل ليل العـز والحـظ مبـروك=كني ملكت بشوفكم خمسة بنـوك
ولامن وطينا الشوك ماينبت الشوك=ياليـل هيـا وانـت ياليـل هيـا
إلى من وردنا يالعصيمي على البير=يعوّد ردي الحيل فاضـي صميلـه
ناصر العجمي:
منته موريني وانا اللي بوريك=بجيب فيك العيد واقطع اذنيك
عساك ماتسري قبل ما نسريك=يا ليل هيا واسر ياليـل هيـا
تصيد النشاما وانت يا صاحبي غير=تحيل تحيل وانت ما معـك حيلـه
عبد الله العصيمي:
ياللي تدوس الشوك والدرب غادي=الزم طريق الحق خلـك حيـادي
الناس في وادي واشوفك بـوادي=ياليل هيـا وانـت ياليـل هيـا
ياكم من ورود صدروا بالمخاسير=وياكم عميلن مايسـره عميلـه
عبد العزيز العتيبي:
للي سكن في الغار سديت غاره=وانا كفو وان قمت ذكيت غـاره
ماجت بغاره جات في نص غاره=ياليل هيا واسر يـا ليـل هيـا
ليا طول الموضوع ندهن لك السير=ونعطيك في الجره بليّـة عسيلـه
ابن سحيييم:
عرفت دربي قبل ماتعرف تسوق=وحوّلت للصيدة وانا معتلي فوق
ولي ذمةٍ ماتعرف الغش والبوق=ياليل هيا واسـر ياليـل هيـا
أشوف القرنبع ربّطت بالمساميـر=نوت بالسفر.. بس المسافة طويلة
ناصر العجمي:
يا صاحبي كلن يحصل نصيبه=ترا هدفكم لا رمينـا نصيبـه
بكره ليا من مت فوقك نصيبه=يا ليل هيا واسر يا ليل هيـا
احدك واعرضك الوعر والشناظيـر=مدامك تبي ضرب السيوف الصقيله
عبد الله العصيمي:
ياللي تقول انك على الشوك مريت=ومره تقول انك ركبـت وتعليـت
باق البحر وراك ما اتقول غطيت=ياليل هيـا واسـر ياليـل هيـا
وانا اشوف من ركب جناحين بيطير=ووقع على رقبته ويا عزتـي لـه
عبد العزيز العتيبي:
انا ليامن مت مسلم وسني=وأنته يطبّل لك ثمانين جني
باذوقك طعنات رمح مطني=ياليل هيا واسر ياليل هيـا
ارد الجموع ان جات لوهي طوابير=وجاني نويصر يعتـزي ياحليلـه
ابن سحييم:
أنا غصب لاعلى المشاريف عديت=وش ينفعك لو كان للمال عديـت
إن شفتناك بخطي تسير عديـت=ياليل هيـا واسـر ياليـل هيـا
أنا اقول شيٍ وامتلك له تقارير=ولا همني كثر الكلام وقليلـه
نااصر العجمي:
الرجل لا من طاب دينه يا طيبه=وانت علومك وسط مكه وطيبه
منها جروحك يالعتيبي عطيبه=يا ليل هيا واسر يا ليـل هيـا
ليا صار في راس العتيبي صعاطير=علي الحرام ان اطرحه وارتكيلـه
عبد الله العصيمي:
عده ولامنك تململـت حـول=ثم انص راع المال قله يحـول
جاك الخبر ياراع الارسال حول=ياليل هيا واسر ياليـل حيـا
تحلم ياراع القول واخذ التفاسير=الا من وردنا العد رح للثميلـه
عبد العزيز العتيبي:
حول اليمن غنيت يا ذا اليماني=وعديت نفسك من طوال اليماني
وقفاتهم تشبه سهيل اليمانـي=ياليل هيا واسر يـا ليـل هيـا
ترى القات ممنوعٍ بدار المناعير=تفطن لمزهب حضرتك لاتشيله
ابن سحيـــــم:
واجهتنا المرمـى وسجلتنـا قـول=ماهو تسلل لو كثر حولـه القـول
ولوّك بغيت تقول.. وش يمكن تقول=ياليـل هيـا واسـر ياليـل هيـا
كلينا السنام وغيرنا قسمه امصير=قعود الشواوي ضاع يالله العقيلة
ناصر العجمي:
من فوق راسك يالعتيبي نشى ما=افعلونا ماهيب سـرق النشامـا
مخبور نوبن شرق واحيان شاما=يا ليل هيا واسر يا ليـل هيـا
سترناش يا لجعه وغيرش غنادير=ولكن ساره روحـت دون شيلـه
عبد الله العصيمي:
ياللي تسجل قول قد جاتك اقوال=فيها كباري واضحه واخذ الاقوال
رح راجع التسجيل ياطيب الفال=ياليل هيـا واسـر ياليـل هيـا
كليتوه جعله عافيه يالمداويـر=احصان الشواوي راتع فالعبيله
عبد العزيز العتيبي:
أفعالنا في الجوع كسب المنايح=مهيب ترويج العلوم الفضايـح
فوقك وحولك وين ماكنت رايح=ياليل هيا واسـر ياليـل هيـا
ترى المال غالي لا تضيع المغاتير=كسيناك بالياقوت يا ام الجديلـه
راشد ابن سحيم:
قامت ولا باقـي عليهـا ولا بنـط=وذلليل ليل الزنط ياجاهـل الزنـط
لك تاير(ن) مضبوط.. لكن بلا جنط=ياليل يكفـي بـس ياليـل تكفـى
حسبتك تبيع الطيب يانافخ الكير=فشيلة وانا اشهد ياجماعة فشيلة
وسلامتكم ياغالين