الشاعر خالد بن مدعث الدوسري من (الخرفان) كاني ما اخطيت,,
يقول في احدى قصايده الطويلة وانا اخذت مقطع منها يقول::
لو مانسج الرجل فالخبت ونسير= ما عاد نلقى للوناسة عراوي
قنوص ولا رايحين مسايير= صوب الرجال مزبنين الجلاوي
ربعن لهم حشمة وقيمة وتقدير= ومجلاسهم ماهوب مجلس قهاوي
العود الازرق والدلال المباهير= ودثر الشحم فوق الصحون متساوي
دواسر يوم الحراييب بواتير= ويوم الرخا حبلن متين رهاوي
وصغارهم يثنون عند المظاهير= ستر العذارا والدبش والعزاوي
وكبارهم مثل الوحوش الهوامير= وسيوفهم بين النحر والكلاوي
وباقي القبايل نعم من غير تقصير= وكلن على فعله يعد الحكاوي
تحياتي,,