هلا بك مره ثانيه
السالفه معروفه ياخوي لكن لاباس من اعادتها ,,,
في حرب ثار لدواسر ضد احد (( القبايل )) وكان امير الدواسر في تلك الحرب هو عامر بن زياد
خط خطأً في الارض وامر جميع قبايل الدواسر الا تتعداه وامر اصحاب الثار من الدواسر قتال تلك القبيله وفي منتصف القتال وبعد ماشتدت الحرب طالب الدواسر اميرهم بمساعده ابناء عمهم وحدث ان قام ناصر الودعاني المسمى بـ ( المبيعيج ) ان بعج خطة الامير عامر وتعدى الخط ولذالك سمي بالمبيعيج وتبعه الدواسر
وسخط الامير عامر لهذا التصرف وقال ناساً مايطيعون امري مالي مقعاد بينهم وخرج هو من الوادي واخرج جميع قبايل البدارين معه ... وقيل انه هو لم يخرج من الوادي وتوفي في وادي الدواسر وخرجت ذريته من بعده ولكن المعلوم ان بيت الاماره كان في البدارين وآخر امراء الدواسر من البدارين هو عامر بن زياد وقبله كثير لم يذكر منهم الا القليل ولكن سطع نجمه ( اي عامر بن زياد ) لما كان له من القصص والمعارك العظام اللي لها اثرها في الجزيره العربيه والله اعلم .