قصيد للشاعر ابو خطاب مرسله الى فيحان ابن دحيم الرجبان
وهو يستاهل اكثر من القصيده
الله من قلب به الهم جالي=كنه يجب اقصى المعاليق جباب
ماغير افكر واستعيد الخيالي=واجمع شتات الفكر لين القمر غاب
اشوف وقتاً بالمناعير مالي=سوه على طلقين الايمان ماغاب
يصفى لعباد الذهب والريالي=سود الوجيه اللي لهم وقتهم طاب
حتيش لوحطوا لهم راس مالي=تعجز يمانيهم على فعل الاشباب
يابو دحيم القاف جاله مجالي=وحبيت اسطر هاجس القلب بكتاب
يامزبن اللي غربلته الليالي=يافزعة المضيوم حلال الانشاب
نسل الرجال اللي تفك التوالي=لاجا بسوق الموت شاري وجلاب
يشهد بها يومً على الضد مالي=يوم المناخ اللي سببه الولد شاب
انتوا محددة الجمل بالحبالي=تسعين ليلاً لين طلابنا خاب
يشهد به الدوشان يوم القتالي=وجريس ابن جلبان يشهد ولاغاب
ويشهد لكم فيما مضى من ليالي=اجريس يومه بينكم دق الاطناب
عطي الجهام وعنه الهم زالي =وفالموسم المقراه له دون الاصحاب
اغناه رزاقاً عضيم الجلالي =اغناه ربه وانتوا لرزقه اسباب
هذى قليلاً من كثيراً يقالي=ولو نذكر اللي فات ماضمه اكتاب
قلته ولاقصدي به اشرح حوالي=حالي تغيض اعداي وتسر الاحباب
لاشك نذكر طيبين الفعالي =كسابة الناموس عصمان الاشناب
وانا لهم ذخراً وضلاً ضلالي=لاجات ردات البرا يم الاجناب
اهل الثمان اللي رزانً ثقالي=ياسعد من حضرته عند الانشاب
ترعى بنا وضحاً تسج المفالي=في شفها نمشي ولا نحسب احساب
ولاذكر وسماً في مخافه وخالي=ترعى جدايد خضرته بين الاجناب
تبرا جنبها شيبهم والعيالي =يرمون في تالي العشاير بلسلاب
نروي غلب بيض النمش والسلالي=لامن ولد اللاش في موقفه هاب
وانا احمد الله في نهاية مقالي=وتسلم ويسلم من للامجاد كساب
شرواك يافيحان قرم العيالي=الله يجيرك من تصاريف الاسباب