قصيدة الامير سعود بن بندر رحمه الله في اخواله واخوال امه وهي البندري بنت عبدالعزيز
وهي نصيحه لاخواله قبيلة الدواسر للمشاركه في نهضة الدوله من زراعه وتعمير وبناء
وتعليم وغيرها ونبذ الخلافات بينهم واضنها قيلة في بدايات حكم خادم الحرمين الشريفين
الملك فهد بن عبدالعزيز رحمه الله
يالله نحولها مزارع وتعميـــــــــــر= تغانمو فرصة زمان عطاكم
ترىالليالي ياخوالي مدابيــــــــر=ما هيب تاقف لين يكمل رضاكم
منها خذوا بأقبالها كل تطويـــــــر=ينهض وطنكم قبل عضة لحاكم
في وضعنا الحاضر غدى وضعنا غير=الا مقاصد خطة اللي ولاكم
ترى الفهد يسهر ويحتس ويغيـر= حتى لدمعه جاهل من نماكم
ما تقدرون لرد ما يمكن يصيـــــر=وبتحرمون نفوسكم شرب ماكم
في ماضي الازمان جند وطوابير=واليوم في وقت البنا وش بناكم
الآد زايد جيتكم قصدي الخيـــــــر=والنيه البيضا سبيلي معاكم
تكفون يا صلب الرجال المناعيـــر=لا تخذلون اللي لنفع دعاكم
إما اجمعوا الكلمه بوزن وتقديـــر=وانسوا سراب الوهم ولا تراكم
والا تراكم بالعنت دون تبصيـــــر=انتم سبب داكم بلاكم رداكم
نصيتكم رغم العذل والمحاذيــــر=متعشم خدمه وطن من صخاكم
أرجى لنفسي خير والنفع للغيـر=ومن غيركم له زود منا سواكم
وكاد لولا اللوح ما حول الطيــــــر= ولولا الدوافع ما كتب لي لقاكم
أظن قولي ما يبي زود تفسيــــر=والله يسدد بالهدايه خطاكم