[معلومات العضو بعيدالهقاوي]

	الا يالله عفوك لا معي بيجر ولا جوال0000000000000ولا عندي وظيفه والتجاره فاشلن فيها ولا عندي شهادتن ولا حرفه تسد الحال000000000000 ولا حظن كبيرن لاخطت الجره يقديها مخابي الثوب تومي مادخلها من زمان اريال00000000 0بها فاتورة الكهرب ولا يمديي اقضيها على ذيك العراوي تتعب الحادي مع الجمال0 00000000ثلاث شهور فالورشه وشهرين مغطيها ابيها لو تجمل يوم واجلبها على الدلال 00000000000يجيها واحدن حظه مثل حظي ويشريها نصيت العسكريه يوم قالوا للنظام ارجال00 00000000وقدمت الملف و صورتن متشخصن فيها خذ الاوراق مني واحدن ما عند ابوه ادلال00000000سلوم الناس واهل المعرفه والطيب مخطيها قراها في دقيقه والتفت عجلن علي وقال00000000000شهادتك العظيمه ياولد وين انت مخفيها هزيت الراس ماعندي تقول اني من البنقال000000000وقمت احب خشمه واطلبه بالله تمشيها حذفها من يده شين الطبيعه والنباء والفال000000000وقال ازين تعود صوب نوقاتك تعشيها تناوشته من الكرسي وعقت الحل والترحال00000000وضربته بالبياله عقب ما بيحت شاهيها خذوني للسجن لانيب لاظالم ولا محتال0000000000مجرد واحدن جا يكحل عيونه فيعميها ويومني خرجت اقفيت لارض الله وسيع الجال00000على برن هواه يداوي العله ويبريها ادور قصعة الجربوع والضب الفتى يحتال0000000والارنب ياشفاة الروح محلاها وطاريها بلا كهرب ولا بيجر ولا غازن ولا نقال000000000قوانين الحضاره لا تبي شوفي ولا بيها

الله يعينا ويعينة مثله واجد خصوص بعد انهيار الاسهم