من الشعر القصصي
يـوم طرالـي ونويـتعلى حدوجـي شديـت
وهذيك الأيـام أصفـريوالفاطر مزهبها سـري
وأنا ظنـي فيهـا طيـبمن بعيد ومـن قريـب
ساعـة تعدينـا ظلفـعإيـلا ذلولـي تخـرفـع
قمت أضربها ونخنخهـاوثل الحليب قـد نوخهـا
مشيت لها علـى هـونوأنـا منيـب ممـنـون
الـدرب قدمـي مظمـاهوكمن واحد قـد أخطـاه
في ممشاها قصر الأمـلوأنـا قدامـي مهـمـل
ثاني يوم جيـت الخـلفي رملٍ شينٍ ما ينـدل
وصلته عقـب الغـروبمـا بـه أثــر دروب
نوخـت الفاطـر وقلـتعـلـى الله تـوكـلـت
حلبتـهـا وأغتـبـقـهوشربت الحليـب و بـه
وأنا في قـوزٍ نضيـفومن التعب قدني معيـف
في خاطري باقوم أشربوالطمتني ذيك العقـرب
الطمتني علـى صـدريأوليهي على القمر تجري
عنـي رميـة الـجـلالوضربتـهـا بالنـعـال
طابت نفسي من النـوموقربـة الفاطـر واقـوم
واسري مطلـع سهيـلوصبحـه كنـي دلـيـل
نصيت قصر آل ولمـانمكرمـيـن الظيـفـان
وسيرنـا علـى الأميـرتوافقـنـا والبـشـيـر
أستبشرنا بسقوط حايـلوعوايـد الله الجمـايـل
والبشير عنه أبن أحسينكريـم العيـن والعيـن
والرحلـة ثلاثيـن يـومعلـى كيفـات وشحـوم
كـل يـومٍ خروفـيـنمن الولامين للخماسيـن
وكذلـك أهـل الـلـدامما يلحقهـم منـا كـلام
يومٍ عند ابن عفيصـانويـومٍ عنـد الأخـوان
واللي تعذرنـاه زعـلانذابـح ثلاثـة خـرفـان
يقول قصدك لي حقـرانوهو مبارك بن عرجـان
فـي واحـد وثلاثـيـنأكلنـا ثـلاث وستيـن
إذا مدحـت الـدواسـرقول وفعل وأنـا جاسـر
محمد أبن مشعي رحمة الله