مرحوم ياشيخ الرجال المناعير=ذكراك من ريح الخزامي زهرها
يامكرم ضيفه ومنصا المسايير=يانادر وصفه مع اكثر بشرها
يرسي الى صكت عليه المعاسير=يصبر ويقضيها ويطلق عسرها
عطاه جزل وماتهمه مخاسير=تشوقه العليا ولو في وعرها
عنده لحل المشكله الف تدبير=يفعل ولو غيره علومه ذخرها
من جاه ضايق من زمان المحاسير=تروح ضيقاته وينسى كدرها
تضيع في وصفه جميع التعابير=لوقلت عنها انهار فهو بحرها
طير الهدد وجه السعد والتباشير=سيد..ملك زين الصفات ونثرها
دغش ابومحمد خذته المقادير=نفسه عسى جنات ربي قدرها
دغش ابومحمد تعدا المعايير=سيره ماظن ان الزمن يختصرها