اخواني اعضاء منتدى قبيله الدواسر الرسمي
اضع بين ايديكم السلسله السادسه 6
من ابيات مختاره من قصائد شعراء المنتدى
اتمنى من الله ان تلقى استحسان الجميع
وسامحونا على القصور
ولكم جزيل الشكر
ألآ يالمسلم الغافل تغانـم عمـرك المحـدود=ترى الدنيا كفى الله شرها ماهيـب مأمونـه
تغانم مابقالك في حياتـك وأبـذل المجهـود=عليك بطاعة الله في عمود الديـن وركونـه
الشاعر الكبير/ دغش البطي (رحمه الله)
الزايـدي والتغلبـي يـا هــذا=صفحة شرف بارواحنـا نفديهـا
الزايـدي والتغلبـي مـن قبلـك=صـوارم(ن) تاريخهـا يكفيـهـا
الشاعر/ نايف ابن مسرع ( الشامخ )
فينـا الولـد ينطـح (30) رجــال=ولا يصـد مـن السيـوف السليلـه
شجاعتـه يمكـن تسمونهـا خبـال=خبـال طيـب لا خبـال الفشيـلـه
الشاعر/ سعد ال بريك
راحت الدنيا وحنا من ضياعً في ضياع=نعرف اليمه ولكن عاصيينً مانصلي
مسلمين وخير امه بس ربي مايطاع=في سرايرنا بذوده بالس الخايب مفلي
الشاعر/ عبدالله الصخيبري
قالوا (دغش)حلّت عليه المنيّه=أستغفر الله ما لها به لزومي
وش قوم ما مرّت على أهل الرديّه=أهل النفاق اللي عليهم وسومي
الشاعر/ عبدالله الدوسري
قبيله لها أسم ورسم واوسم العصا تحميه=لها عزوتن يعرف صداها على الساحـات
دواسر يوحدها أسمهـا ويـن ماتوحيـه=تسجل فعايلها بنـور علـى الصفحـات
الشاعر/ ابن بطحيه الودعاني
مرحوم يا طيّب السيره والاخلاقي=دغش البطي يا عسى مثواك فالجنه
يالنادر اللي لمبدا المجـد عشاقـي=من ظن فيك الوفاء شافك ورى ظنه
الشاعر/ محمد ابن محسن بن حشفل
ابرثي فقيد الطيب والشعـر والعـادات=فقيد القبيلـه والادب طيـب الساسـي
ابرثيه بابيات الشعر وسكـب العبـرات=وحزني على فرقى دغش ماله قياسـي
الشاعر/ عامر النتيفات
لـون للمراجـل بيـن عشاقـهـا دورات=تفوق دغش وبكل راحـه خـذى الكاسـي
من الاد فـادر درعنـا لاقسـت الاوقـات=وجرام الذهب ساوى مية كيلـوا نحاسـي
الشاعر/ عبدالله بن مرضي الودعاني
أبومحمـد راح والـكـل منـصـاب=فيـه الدواسـر أحسـن الله عزاهـا
حب القبيلة عنـده يثيـر الإعجـاب=يامـا بفعلـه والقصـايـد حمـاهـا
الشاعر/ برق الجنوب