اقدم لكم مجاراة الشاعر عبدالله بن مرضي الودعاني للشاعر عامر النتيفات في رثاء الفقيد دغش البطي رحمه الله
ابرثي فقيد الطيب والشعـر والعـادات=فقيد القبيلـه والادب طيـب الساسـي
ابرثيه بابيات الشعر وسكب العبـرات=وحزني على فرقى دغش ماله قياسـي
وياكثر من يرثيه ويقـول فيـه ابيـات=حميد السجايا سيرته ترفـع الراسـي
وقدره كبير لو كتبنـا القصيـد اميـات=تراها قليلـه والشعـر فيـه نبراسـي
علينا نخلد سيرتـه والشعـر بالـذات=وعلى كل شاعر حق يرثيه باحساسـي
ونجمع قصايدنا تحـت اسـم مرثيـات=تثبت بعالـي منتـدى ربعـه الراسـي
دغش راح عن دنيا الفنا ياعسى الجنات=مقره ومنزالـه مـع خيـرة الناسـي
خذاه القدر عنا ولافـي القـدر حيـلات=علينا الصبر حتى لو ان القـدر قاسـي
نبره وندعـو الله يرحمـه بالسجـدات=نـحلله ونبيحـه علـن او بالنفاسـي
ودغش البطي ذكره يخلده لوهو مـات=محب الجميع بفقـده الكـل منحاسـي
وهنا الشاعر ابوطلال يجاريه في رثاء اخينا الفقيد دغش البطي رحمه الله
لك الحمد يالمعبود ياعالم النيات = الآهي وخلاقي مثل ساير الناسي
طلبتك تغفر الذنب ياغافر الزلات = وطلبتك محبة خلقك وكل نوماسي
تصبرت بسكات ولاعاد فيه سكات = من اللي بصدري مخطر يقطع انفاسي
وفكيت عبرات بصدري لها جولات = وعيت دموع العين للصبر تنراسي
مثايلك ياعامر لها في الخفا طعنات = تقد الخفوق الملتهب قد الامواسي
يصح اللسان الجزل يارعى الجزلات = لو ان محتواها لي ولك محتوىً قاسي
دغش موتته تحسب علينا من الفجعات = وانا مونس ماتنونسه والف لاباسي
تجنبت بدع القاف مابغا اشعل اللوعات = وعصاني بعد ما جيت بالقاف حساسي
ودعيت البيوت وجات صوبي وهي عجلات= ومما تشيله ما تثمن بالالماسي
تشيل اسم شخص مدحته ماتريد اثبات = كريم اليمين اللي للامجاد غراسي
لون للمراجل بين عشاقها دورات = تفوق دغش وبكل راحه خذى الكاسي
من الاد فادر درعنا لاقست الاوقات = وجرام الذهب ساوى مية كيلوا نحاسي
اعزيك تكفى عزني ياكريم الذات = ولاتحسب ان من ربعنا واحد ناسي
علي يشهد الله ان طيفه ياعانق الغفوات = ولافيه يوم ما يورده هوجاسي
ايلامن طرالي جر خفاقي الونات = ولحن الحزن في داخلي دق الاجراسي
وودعت هاجوس الوناسات والضحكات = وودعت بملاحى السهر حالي نعاسي
وقمت اتذكر ضحكة له حدى المرات = وحنا بمزح القدر والعز غطاسي
الايا زمن وين العوض في دغش هي هات = عسى الله يجيب لوكر قرناس قرناسي
وعسى الله في الجنه يمتعه باللذات = ويجي له مع عمر وابوبكر مجلاسي
ولاون القصيد يرد الارواح للأموات = بدعت وصخرت الشرد عدت شعر راسي
وختم البيوت اللي يلاقلت راحت جات = ولو امهي لها قامت علي تمرس امراسي
صح لسان الشاعرين ولكم مني جزيل الاحترام والتقدير