[معلومات العضو عامر النتيفات]

الحمد لله القائل (كل من عليها فان )
وحقيقة رحيل / دغش البطي فاجعة علينا جميعا ولكن هذا القضاء والقدر
ونحن مؤمنون بقضاء الله وقدره
ووالله انني اكتب هذا الموضوع وفي الصدر مافيه والابيات هذه تعبير بسيط ولا دغش
اكبر واكبر من كل مانقول
.

ابرثي فقيد الطيب والشعر والعادات = فقيد القبيله والادب طيب الساسي
ابرثيه بابيات الشعر وسكب العبرات =وحزني على فرقى دغش ماله قياسي
وياكثر من يرثيه ويقول فيه ابيات = حميد السجايا سيرته ترفع الراسي
وقدره كبير لو كتبنا القصيد اميات =تراها قليله والشعر فيه نبراسي
علينا نخلد سيرته والشعر بالذات =وعلى كل شاعر حق يرثيه باحساسي
ونجمع قصايدنا تحت اسم مرثيات = تثبت بعالي منتدى ربعه الراسي
دغش راح عن دنيا الفنا ياعسى الجنات =مقره ومنزاله مع خيرة الناسي
خذاه القدر عنا ولافي القدر حيلات =علينا الصبر حتى لو ان القدر قاسي
نبره وندعو الله يرحمه بالسجدات = نحلله ونبيحه علن او بالنفاسي
ودغش البطي ذكره يخلده لوهو مات = محب الجميع بفقده الكل منحاسي