[معلومات العضو فالح الشكره]

السلام عليكم ورحمة الله وبركاته

هذه قصيدة للشاعر المعروف رشيد الزلامي العتيبي يمتدح فيها اعلام الشعر النبطي ويذم من يسمون انفسهم شعارا وهم ليس كذلك ، فارجوا ان تنال اعجابكم

وشكرا للاخ عبدالرحمن الشرافي على اقتراحه بتخصيص موضوع جديد لهذه القصيدة

الشعر ماني مقترح دستوره=ولاني وكيل أدم على مذخوره
ولكن من شيٍ يحز بنفسي=هاضت به افكاري وهي مجبوره
شعر النبط شفته بوسط الشارع=يمشي ويسحب رجله المكسوره
وما شاهدت عيني عرفت اسبابه=زان الزمان وبانت المصروره
الشعر سارت هيبته ماطيه=تشاوتوه الربع مثل الكوره
يشوته الفارس وجاه الحارس=ينقز على رجله ويلطم زوره
واهدافهم يا للأسف مكشوفه=اغراض شخصيه وصوت وصوره
يستخدمون الشعر لبسط حاجه=وش هالبشر منهيةٍ مأموره
إما هذم رَجلٍ بدون مبرر=او يمدحه مدحٍ يمس شعوره
مدحه بوجهه يعتبر مسبه=إذا كان يعرف مستواه ودوره
ولا تهيض عمنا متغزل=واعطى الجهاز الحر من ميسوره
يصف بنات الناس وصفٍ خاطيء=وداوم بحلقٍ كنه الماصوره
ثم قال أنا شاعر وجاك محدر=يعدّ حاله ناجحٍ من دوره
هو ما درى ان الشعر مضلومٍ به=وإنه بشر وصحته محظوره
يا من ظلمت الشعر خاف من الله=خله يعيش وحالته مستوره
يا الربع كلمة شعر تبغى شاعر=مثل السديري يوم غاص بحوره
وابن ربيعه والخلاوي راشد=ولا عبيد العلي يوم عصوره
ومثل القضاه ومحسن الهزاني=وابن شريم اليا رفع باكوره
وابن حميد وشالح القحطاني=ولاهي عن اهل المعرفه مقصوره
ولاني مجامل مع هذا والثاني=اعدّ شعار النبط وابحوره
واللي ما هو قنعان ينشد عني=يزورني للبحث ولا زوره
وعندي اللقاء كلٍ يجرب حظه=ولاني وكيل أدم على مذخوره

وللشاعر موضوع فيه بعض اشعاره على الرابط التالي

http://www.alduwasser.com/vb/showthread.php?t=11542