أرحل كفى وقت" مضى لي وأنا أرجيك=أرحل فلا باقي لرجواك داعي
أرحل عزيز" والأمل مات بيديك=واليأس خيّم في جميع المســاعي
أرحل وخــل بذمتك ذنب مغليك=بغاك له منجــى وصرت الضياعــي
أرحل عسى صدك وجفواك تنسيك=وتشقى بكذباتك نهار الوداعي
وقت" مضى دمعات عينك تبريك=دمعة حزن منها يزيد ارتياعي
عبرات تظهرها تخفي بلاويك=وانا على النيّــه يتـــــوه التياعي
أرحل ..نعم أرحل أنا اليوم مابيك=وأكيد عندك علم وشهي الدواعي