[معلومات العضو ابو زابن المسعري]

كان ذعار بن سعد بن عويضان الجفارين المساعره رحمه الله
جار لعويسان بن عبيد بن دهيمان السبيعي عام 1401
وكان ذعار رحمة الله عليه معروف بالكرم والوفاء والشهاميه
بل كان مضرب المثل في الكرم
وكانت مجورتهما عامره بالود وكريم الاخلاق
فلما رحل الدوسري تذكره صديقه السبيعي فقال

لاوالله الا شد من عندنا جار=ماهوب قن يدِّرق في قصيره
يفرح الى منه نصى البيت زوار=ذباح جل الحيل ماهي صغيره
يعطي الاصايل غير حسكات الاوبار=وراع الردى والله مايستشيره
لو كان حمله يحرزه راعي الكار=الله يرده عقب ما اقفى نشيره
ماهو بخبل في قفى الناس هذار=صندوق طيب مايبدل بغيره
لايابعد من دنس العرض بالعار=لامن تغرب عاب كل العشيره
يابو سعد ياوافي الباع ياذعار=بلاهان شيال الحمول الثقيله
لعل عود ارثك مايجي النار=ينجيه ربي في نهار الحشيره
هذي هديه تعتبر نوع تذكار=تهدى الهديه من قصير لقصيره

منقول من (من اشعار الدواسر) لبن جلحان
وتقبلو جميعاً تحيات محبكم