[معلومات العضو ابو زابن المسعري]

هذه قصيده لشاعره النادره في الامير مران ابن قويد
وجدتها في منتدى النداوي
اعجبتني واحببت ان انقلها لكم

بسم الله ابدا وابتدي نظم الأبيـات=واكتب جزيل القاف واترك هزيلـه
واغوص في بحور القصيد العميقات=واخذ معانـي مالهـا مـن مثيلـه
من عادتي بدع البيوت الجزيـلات=مااقول بيـتٍ فيـه نقـصٍ وميلـه
وجزل القوافي نلت فيها الشهـادات=لي الفخـر لاقيـل مالـي عديلـه
يا راكب اللي لامشا في المسافـات=يشفي جراح القلـب يبـرد غليلـه
يقصر دروب البعد في ظرف ساعات=هي منوته مسك الدروب الطويلـه
شراه منهو ما حسـب للخسـارات=توّه جديـدٍ فـي معـارض وكيلـه
فالفين وسته نازلٍ فـي الوكـالات=فنس الخشـوم مورديـنٍ موديلـه
لامن مشا بتقول خيـل السباقـات=تسبق هبوب الريح خيـلٍ اصيلـه
عليه قرمٍ حاضـرٍ فـي المهمـات=صليب راسٍ في المصاعـب دليلـه
من لابتي اللي رقو في الطويـلات=(دواسـرٍ ) افخربهـم لـي قبيلـه
اللي لهم في ساحة المجد صـولات=عز الدخيـل اللـي حياتـه عليلـه
واعطيه خطٍ به من الطيب نفحـات=ومن القوافي صغت فيـه الجزيلـه
والا استدار وقـام يعطيـه نمـرات=بعد الظهر من بعد ماانهـى مقيلـه
فوَله بنزينٍ مـن أدنـى المحطـات=ونصّاه لديـار الوفـاء والفضيلـه
أهل الشجاعه والكـرم والشكـالات=( وادي الدواسر ) عز منهو يجي له
هو موقع الأحرار وأهل الطناخـات=فزاعةٍ للجـار فـي ضيـق ليلـه
تاريخهم شامـخ يرفـرف برايـات=اللـي فعايلهـم عظيمـه جليـلـه
وينصا عريب الجد شيخ المـروات=فكـاك عسـرات الامـور الثقيلـه
شيخٍ على طيبـه تـدون سجـلات=نسيانها عبـر الزمـن مستحيلـه
هو شيخنا (مران) رجل الصعيبـات=ستر العذارى لارمـو لـه بشيلـه
شيخٍ رقا في عالي المجـد قمـات=مـن وقفتـه ياكـم هـمٍ يزيـلـه
له في طريق الخير فزعه ووقفـات=فعول خيـره مثـل وبـل المخيلـه
سقم العدو لا اسقاه مـر الأهانـات=ولاذوقـه مـر الغبـن والفشيلـه
ربعه هل الطالات واهل الشجاعـات=اهل الزعامه والسيـوف الصقيلـه
(الآد مسعر) طوَعت كـل عيـلات=كعـام منهـم يشعلـون الفتيـلـه
سلم عليه إعـداد وبـل المخيـلات=واعداد كيـفٍ فـاح بنّـه وهيلـه
هو السند يوم الزمن فيه ضيقـات=ويومٍ قنـب جرحـي وزاد بعويلـه
والا أقبلت شهب السنين المغيـرات=ولامن عناء وقتي سقانـي بويلـه
فيه أنتخي واثني عليـه الندايـات=( مران ) ياسيف الكـرم ياسليلـه
(مران) ياستر العـذارى العفيفـات=لامنها ضاقـت بهـم كـل حيلـه
بشكي عليك اليوم بعض الخفيـات=يوم انها ضاقـت علـي الوسيلـه
من جور وقتي صابني اليوم طعنات=حتى السعاده فـي حياتـي بخيلـه
وقلبي تجرع هـم دنيـاه حسـرات=من مات ابوي وصار همّه يشيلـه
اخفي همومي دون قوم الوشايـات=اهل الحسد واهل النفـوس الذليلـه
شذابة المقفيـن واهـل العـداوات=جارو علي يوم الزمن جـار ميلـه
جنبتهـم ولا سلـمـت الأذيــات=والشر منهم قـام يجـرف بسيلـه
هو عيدهم لامن لقو بـي هفـوات=لكنهـا بعـدٍ عليهـم طويـلـه !
ياليت فرقاهـم تجـي بالسهـالات=واشد وارحـل فـي ديـارٍ بديلـه
باح العزاء منـي وجاذبـت ونـات=وين السند اللي اجي واشتكي له ؟!
ماغيره (ابن قويد ) ريف الضعيفات=اللي ليا ضاقت علينـا نجـي لـه
يالله عسى اسنين عمـره مديـدات=وعسى حياتـه بالسعـاده جميلـه
ويبقى ذخرنـا بالليـال الشديـدات=الله يمتـع بـه سنيـن ٍ طويـلـه

تقبلوا تحياتي