اخواني مرتادي منتدى قبيلة الدواسر
أسعد الله اوقاتكم بكل خير
اما بعد ,,,,,
أقدم لكم محاورة الاسبوع الثاني (( بأختصار ))
وقد جرت بين الشاعرين (( الناقد /الذيال . والشاعر / ابو زايد التغلبي ))
وقد بدأها الذيال
سـلام فـي ليـلـةٍ مـاهـي ســوات اللـيـال=غنابـهـا الـزايــدي والتغـلـبـي زانـهــا
ياشـايـع التغلـبـي ذاللـيـل جـالـك مـجـال=اجلـب لنـا الطيـبـة لــو غلـيـت اثمانـهـا
ويرد أبو زايد التغلبي
يـا مرحبـا بالنيابـة عــن عـمـام وخــوال=ربـع(ن) مسجـل لـهـا التـاريـخ عنوانـهـا
في ساعـة الصفـر تلقانـي علـى العـال عـال=الطـيـبـة فـاتــح(ن) ذالـلـيـل دكـانـهـا
ويــــرد الــذيــال
بانـشـدك ياشـاعـرٍ ذبـيـت روس الـطـوال=أشـوف ضــون كـلـت الأعــراب نيرانـهـا
والزيـر مـن بيـن قـومـه ربـطّـوه بحـبـال=والقـوم تسـجـد وتـركـع بـأمـر شيطانـهـا
ويــرد أبــو زايـــد
الله يجـازيـك يالـذيـال يــا بــن الـحـلال=السالـفـة علمـهـا فـــي درج سلطـانـهـا
ريـح الخيانـة نشمـه يــا عميـلـي شـمـال=يـا لعـنـة الله عـلـى الـعـزوة وشيخانـهـا
الـــــذيــــــال
مـا دامهـا فـي يـديـن حسـيـن ولا جــلال=إبتبـطـي إدميّـهـا تمـشـي عـلـى ثفانـهـا
أم اليتامـى تـجـر الـصـوت ويــن العـيـال=الـلـي بـوقـت الشـدايـد تحـمـي أوطانـهـا
أبو زايد
العفو يا أمةٍ لبست من الذل شال=ما فيه حلٍ وعم القوم قد هانها
ربع اليتيمة سهارى بين يالال لال=ولا هل دمع اليتامى زادت ألحانها
الذيال
الشايب اللي تعوّد شرب صفر الدلال=وينه من البنت يومه كان بوزانهـا
الظن به ياعزيزي ثابتٍ مـا يـزال=مادام راع الكحيلة ماسـك عنانهـا
أبو زايد
حسبي عليك أشهد إن ذالليل ذبحك حلال=وان ثوّرت والله إن جبهتك نيشانها
العود عود الهدى لكنّ يا هملال=ظروف بقعا تشيّب روس فرسانها
ويرد الذيال
يا سيدي ارم بالغترة وذب العقـال=ادعس على الحية الرقطا وديبانهـا
يوم الشرافي دعانا ذب روس الجبال=وان كان تبغا المخدة فالدفا عانهـ
ابو زايد التغلبي
الشاعر اللي تحمّل فوق حمل الجمال=أنا اشهد إنه كلته النار بلسانها
لاجل الشرافي حضرنا.. شي ما به جدال=ياللي بغى كحلها ثم فقّع اعيانها
وفالختام
اتقدم بالشكر نيابة عن إدارة المنتدى
للشاعرين
الشاعر الكبير/ الذيال
و
والشاعر / شايع (( ابو زايد التغلبي))
والسلام عليكم ورحمة الله وبركاته