[معلومات العضو عبدالله الدوسري]

وقّفي دمعك ترى ما أتحمّل لك دموع=عيشتي من دون حبك تسمّى ضايعه
ضحكةٍ منّك تنوّر حياتي بالشموع=يا أعظم إنسانه بكل الوصايف رايعه
ما بعد فكّرت أروّح بلا نيّة رجوع=لو عصَت نفسي من الكون لأمرك طايعه
ماكنٍ حبّك بقلبي وراء حِدْب الضلوع=ما حدٍ غيرك عرَف طبّه و وجايعه
القناعه كنز لكن معك ماني قنوع=و أنتي اللي مالكتني بدون مبايعه
إن لقيتك مطمئنّه يزيد بيَ الخشوع=و إن زعلتي جوف صدري حَمَت ولايعه
من شيَمْه الوصل ما يمكن ان يصبح قطوع=الوفيّ دايم حريصٍ على ودايعه
يا فديت عيونك السود يالخِشف الدّلوع=لا يفرّق بيني و بينك أهل الشايعه